Read bassa AYIZAYA 15 Bible Online

AYIZAYA 15 - bassa bible

AYIZAYA 15

¹Utumwa atwa Moab na. A njɛ ashɛpwụ Ari, keeni Kiri ufwu jitoo ko gbalụ, ibɛ po cɛnjɛ tu Moab tɛ 'imɛ ilɛmɛ hwɛɛ.

²Atwa namɛ ni Dibon munji[57] ee zhe na shɛrugbada sha tuwa ta aba aa twa-u'wo. Atwa Moab a twana ashɛpwụ Nebo keeni Mɛdiba u'wo gboo nụ ụngwụ-tụhwụga. A 'nyanjɛ tukpala, aa hwajɛ tizholu ta aba hwɛɛ.

³Atwa na uregeni tugwuno tụ ụcɛnjɛ tɛnda oo rungo ni ihwɛŋnɛ ya amɛ ụshɛpwụ, keeni okpogwu na atwa a ụlwatagwụ nụ ụshɛpwụ ata, keeni shisokwu sho shimwono, aa ta-ụkwụla aa twa-u'wo.

⁴Atwa Hɛshbon na atwa Ɛlialɛ, uganɛ taawụụ, atwa na namɛ taa nu Jahaz hwụjɛ n'ungwa ma aba. Iwɛbɛ po ejeshi Moab uganɛ taawụụ, aa zhɛgɛdaga, shihwulu sho horoko aŋ.

⁵Ma twana Moab u'wo na amɛ mi! Atwa ubwa a na benengeni gezheji ee zhe Zoya tutu Ɛglat-shɛlishiya. Umeseyi uko munji nu uhwaŋna Luhit, aa twa-u'wo tɛ ɛ zhɛ, atwa oko gezhiji ee zhe Horonaim, aa ugagaga iwɛ ti'ilono ta aba.

⁶Busoso bu Nimrim hwɛŋ, ambɛ na shikekeni nu bwa lụmbɛ, i zasa ya uwambɛ ulom te shikeni ba o.

⁷Iwɛbɛ po atwa ata suji i'wɛŋnɛ ya aba nɛ ee ge sutengeni duwa, ee gezhiji ee keshi busoso bi Willos.

⁸U'wo-tutwa mburusonu no ofwo elele no tugwungwu tu Moab. A hwuga u'wo wa aba taa ni Ɛglaim tutu Beɛrilim.

⁹Urefu ụshɛpwụ Dibon shenjemi howuu ne mehieŋ, i ta 'yajɛ kaa iyi nɛ wụmanjɛ Ngaa ta intanɛ iwɛ atwa ụshɛpwụ ata Dibon[58] Bizeci zhɛ ba ima bụtụ be elele na ta vwɛ na kaa benengeni nu Moab.