Read bassa AYIZAYA 4 Bible Online

AYIZAYA 4 - bassa bible

AYIZAYA 4

¹Aka ata ci hwuŋ, eyikwo ecenje zhɛ o gbokwu butubwenyi bu ko gba, ɛ hiɛŋ bụ, Aya, lono maa shɛ bwolo tu. Ama ti zhɛ tu na mama biga, tu na sa tugwuno tu tu ni ikɛnyi tu, iwɛ maa ta banangana ụpụrụsa uzawa bwolo.

²Aka zhɛ o to ta AGWANGWAMA zhɛ a nda ambɛ elele, tụ ụ'wụ'wụ elele maa u waŋnɛ te gembi maa u pilanụ tebiye. Nazhɛ atwa Isrɛl a na benengeni hwɛɛ, zhɛ a 'yaga unyasa, a na busa na tụ'walụ tu na cɛnjɛ ta ata tɛ bɛcinjɛ.

³Na aka ata bụtụ be elele na benengeni, na ta vwɛ nu Jɛrusalɛm, aba ɛɛ zhɛ ɛ hiɛŋ atwa tijilo, ibɛ shɛ bụtụ be elele na ee 'nyeci izeci ibwɛ na amɛ atwa na ta hwungwa nu Jɛrusalɛm.

⁴AGWANGWAMA zhɛ a fwata miaụŋ-mo-o mu Zayon, bɛɛ zhɛ ba wafwaga mehieŋ mu na mi tegeni Jɛrusalɛm nu ukpahiŋ ụshɛrɛya ubwa na shɛ gana ulwa.

⁵Nazhɛ AGWANGWAMA zhɛ a karɛ udomu nshikwo na zhɛ wo urugono Ishɛmɛ Zayon hwɛɛ, ta atwa na ulwa apata nu uwaŋna. Bụratụ bu ulwa[13] zhɛ bo urugono aŋ jita ata nu ụjita. Ụjɛrụma Agwatana zhɛ wo urugono ụshɛpwụ ata ụ'wụtụ hwɛɛ, wɛɛ zhɛ wo urugono uŋ sasana na azuba.

⁶Ụjɛrụma ata ubwa zhɛ wa sha uhwuŋnu ụshɛpwụ ata na aka bo oholobwo uwaŋna, wɛɛ zhɛ wa sha ofwo tuswaka keeni uhwuŋnu ubwa na aka be eshilo keeni uvwugo ụ'wụtụ.