Read bassa AYIZAYA 51 Bible Online

AYIZAYA 51 - bassa bible

AYIZAYA 51

¹AGWANGWAMA hiɛŋ, N shɛlagana ma, ahiɛba na hia sala tiririri, ahiɛba na hi ma n dwalakaka. Mbiyana ma uparatayɛ ata ɛɛ hi jwɛ keeni ofwo ata ee hi hine.

²Haŋsa ma iwɛ ugwunukwoshi hiŋ ga Abraham, keeni iwɛ Sara na ahiɛ shɛ ajalalo ubwa. Aka na Ngaa suyanɛ la Abraham, bu ta zasa la yɛu ye elele o, ama M peni bu uwebiye, Ngee peni bu du miaụŋ; Ngaa njɛ maa ajalalo ubwa gembi ufwugwo.

³N zhɛ ma nda uwanyi Jɛrusalɛm, ta atwa elele na namɛ no shisombo shɛ bwa. Okwo ta cɛnjɛ tu ga tu bwa tɛ shɛ ụshɛka, N zhɛ ma nda tụ maa tɛ shɛ gana itimɛ Idɛn. N zhɛ ma nda cɛnjɛ ta ata tu bwa tu 'wi maa tɛ shɛ gana itimɛ ya AGWANGWAMA. Unyasa keeni amɛ-olom zhɛ wa nama apata, ta shɛzunga sha ashɛtwa hwɛɛ keeni a'walụ na ɛɛ zhɛ na ma 'walụ.

⁴Ahiɛba atwa mi, shɛlaga ma, shɛlaga ma iyi nɛ Ngɛɛ hiɛŋ, ahiɛba edenji mi: Undwa uko zhɛ wa banɛ no olugwo mi; ụshɛrɛya mu u tishiriri zhɛ wa pana atwa uhioko-uhwaŋna.

⁵Tiririri ti mi kaa tu gwumwongonu ciiŋ ciiŋ; ubino mu kaa namwawaŋ nu uhwaŋna. Gamba ni ikɛnyi mi N zhɛ ma 'waŋnanɛ edenji ụshɛrɛya u tishiriri. Atwa na namɛ na cɛnjɛ ta adakwụ urefu zhɛ ma n shɛlana; a n 'yacɛ, aa ma n nda ashɛlatụ maa Mo bicingo aŋ.

⁶Mbiyana ma azuba; hi mbiyanɛ tuta ta cɛnjɛ tu unyizo! Azuba zhɛ a wafwagwụ gana nshikwo; unyizo zhɛ wa inga gana tugwuno, atwa ubwa kaa zhɛ o 'wo gana ishi.[167] Ama ubino na Ngɛɛ zhɛ Ma 'waŋnɛ zhɛ wa nama unyizo-nom; tiririri ti mi kaa ti zha shɛ ta 'yaga ukwunanga o.

⁷Ahiɛba na hi mepi iyi nɛ teni cɛŋ, n shɛlagana ma, ahiɛba na undwa mu shikeni na shɛmɛ shi hiŋ. Ta nda ma inyɛsɛ aka na ta atwa ma hi nda asada kwo kaa aa ma hi twagaga o.

⁸A'nyasụ zhɛ a ya aŋ gana tugwuno; eshishi zhɛ a ya aŋ gana tihiŋzhe ta agwụdụ! Ama ubino na Ngɛɛ zhɛ ma 'waŋnɛ, zhɛ wa nama unyizo-nom. Tiririri ti mi kaa ti zhɛ ta nama na awaŋnɛ elele.

⁹AGWANGWAMA, zhinjɛ, zhinjɛ, maa mbiseni ikɛnyi bu! Zhinjɛ gana aka ala cala, gana aka awaŋnɛ ala angwụshɛ. Gabụ la bu hwuŋzerenji udegbe ata wuŋzu wuŋzu; abu ibatajɛ buduwo ata.

¹⁰Gabụ kaa bụ hwụŋcɛnjɛ itekwu ɛtɛ; ibɛ shɛ meni ma ata mi iri duwa; ebi keri uhwaŋna na amɛ itekwu ɛtɛ i iri iwɛ maa atwa ata ebu gwube la e keshi.

¹¹Atwa ata ebi bicinji, ɛ zhɛ o to Jɛrusalɛm na amɛ-olom, a na zunga shɛzunga, a na ugaga n'ungwa mu unyasa. Ɛ zhɛ a 'yaga unyasa unyizo-nom, ɛ zhɛ a banangana amɛ-tụhaŋtụ, tụ ụngwụ-tụhwụga unyizo-nom.

¹²AGWANGWAMA hiɛŋ, Gamba ma hi ingatanga. Iwembe po ɛhi zhɛ hia nda inyɛsɛ bụtụ na bo 'wo; na shɛ yɛu bụtụ nɛ shɛ gana ambɛɛ?

¹³Isɛbwɛ ya AGWANGWAMA na ubu karɛ suu i bu 'wi? Bu gata berishiji azuba, na du kaa shiri ukoshilo unyizo? Iwembe po inyɛsɛ isɛbwɛ ya atwa na ma bu nda umungwuta ma bu sha unyizo-nomm? Ti inɛ ya atwa na mama 'imɛ maa a hiɛ kwụnɛɛ? Isɛbwɛ ya aba zha shɛ me bi ce ya kwukwuŋ.

¹⁴I vwɛ cwɛŋ tɛ ɛ zhɛ a 'waŋ atwa na ga namɛ na tijama; ɛ zhɛ a ya uraiŋ te ilegeji, ɛ zhɛ kaa a 'yaga iyimɛyɛ elele nɛ to aŋ utakashɛ.

¹⁵Gamba n shɛ AGWANGWAMA na shɛ Agwatana hiŋ; Gamba n vwuji itekwu, Ngaa njɛ maa adanga ubwa na ugaga; ɛ hiɛŋ izeci mi, AGWANGWAMA na Hwuri Kpaaŋ!

¹⁶Gamba n zweni n-ndumwa mi mi nu unu bu, Ngee bu fwuleji nu uhwuŋnu u'ala mu. Gamba m berishiji azuba[168] Ngee shiri ukoshilo unyizo; Ngɛɛ hiɛŋ atwa Zayon; Ahiɛba hiɛ shɛ atwa mi!

¹⁷Ahiɛba atwa Jɛrusalɛm, zhinjɛ ma! Mɛmɛ zhingicinjɛ ma maa hi ishijɛ! Hi swowo isɛbwɛ ya AGWANGWAMA, yaa hi ngba gana atwa na mayaga ma ngba, hi swowo iŋ hwɛɛ tutu icicɛ, yaa hi ngba ahia nda ya gologolo.

¹⁸I zasa bụtụ namba maa ma hi 'yagaga o, i zasa kaa bụtụ namba na ashashɛ atwa hiŋ maa ma hi untangana u'ala o.

¹⁹Shɛbara shi yebi shi hi jiteni: A njɛ cɛnjɛ ti hiŋ ufwu nu ujasa, imunɛ kwụnɛ atwa hiŋ sasana. I zasa kaa bụtụ namba maa ma hi ingatanga o[169]

²⁰Atwa hiŋ ta 'waŋtatangwụ, tilegeni ne eseshi ihwɛŋnɛ, iwɛnɛ te e lwegeji; a shɛ gana bụlụba na aa 'imɛ nu uhwohwo. A hwụjɛ ụngwụ isɛbwɛ ya AGWANGWAMA keeni tɛtazhɛgana ta Agwatana bụ.

²¹Shɛlaga ma ahiɛba na hia nda ụbaụta. Ahiɛba na hia nda gologolo gana atwa na swe mayaga, shɛ mayaga kaa ehi swe o.

²²AGWANGWAMA na shɛ Agwatana hiŋ ihi lesheji, bɛɛ hiɛŋ, Hioko, N zhɛ ma lashɛga ukwopi ata isɛbwɛ mi Ngee hi peni la. Hi zha shɛ hia swa ya mayaga ma ata mu ma hi nda la gologolo.

²³Atwa na ma hi sukakana ya Ngɛɛ zhɛ ma pana uŋ. Aba shɛ atwa ata mo hi wococongo ni ihwɛŋnɛ, agata mɛ hi hiɛŋ la, Wotogo ma gana aswala maa to mungongo gana aswala. Ibɛ po ahiɛ njɛ shɛba shi hiŋ gana cɛnjɛ keeni gana ihwɛŋnɛ, maa tuba ono hi mungongo a na kashaka.