Read bassa AYIZAYA 8 Bible Online

AYIZAYA 8 - bassa bible

AYIZAYA 8

¹Nazhɛ AGWANGWAMA n hiɛŋ, Shapa ugbogolo uko na heri maa 'nyeci ti'nyeci te gembenji tu na tu waŋnɛ maa bụtụ be elele eri ba rɛta. Iyi nɛ ɛbi zhɛ ba 'nyata na: Mahɛ-shalal-hash-baz[26]

²Jala atwa tɛcara eyebi, bunongbo ga Uzia na Zɛkaria yɛu-ye-eyi Jɛbɛrɛkia maa a shɛ eseyida mi.

³Yaa namɛ fwalaa Ngee zhe no ofwo bigesere bu ko bo o, bee le ga ofubo. Aka na ti bee meci yɛu-ye-eyi. Nazhɛ AGWANGWAMA n hiɛŋ, Pa iŋ izeci tu ga Mahɛ-shalal-hash-baz.

⁴Agwuma Siria zhɛ o sugo aduciya Damaskos hwɛɛ tu na Samaria, nazhɛ maa yɛu ɛtɛ waŋnɛ maa ala bino ne bishi tusuyana.

⁵Nazhɛ AGWANGWAMA m mbiseneni,

⁶bɛɛ hiɛŋ, Iwɛnɛ atwa ga lacɛ meni mu ukwokwo Shailo[27] mu na ma fwunga pece, aa ndana agwuma Rezin na agwuma Pika unyasa[28]

⁷Ibɛ po Gamba Agwangwama ni ikɛnyi mi Ngɛɛ zhɛ mɛ zɛrijɛ agwuma atwa Siria, te ejeshi ubwa hwɛɛ maa a sukakanɛ Juda. Ɛ zhɛ na ta tuhwulo gana na tu Urefu Yufretis wa bwadụ aka na tu waa zhagajɛ.

⁸Ɛ zhɛ na fwunga nu Juda gana meni mu na mu zhagajɛ, mɛ yɛ iyi elele tutu orworwo. Oo Imanuɛl[29] Apiambɛ ubwa na bee berishiji jɛlanɛ cɛnjɛ ta ata.

⁹Ahiɛba edenji, ulwa ma iwɛ ujasa maa hi na nda inyɛsɛ! Ahiɛba na hiɛ dụlụmanjɛ, shɛlaga ma. Mama 'imɛ ma iwɛ ujasa, ama tuba na nda ma inyɛsɛ!

¹⁰Imanganga ma iyi, ama tuba i zha shɛ ya 'yaga eshe o. Duma ma n-ndumwa tebiye gana na ihi kwulanɛ. Ama i zhɛ ya sha iwɛ tɛgadaga; iwɛnɛ po Agwatana namɛ no tu.[30]

¹¹Ibɛ po AGWANGWAMA n tɛtaganɛ-unu ta 'yajɛ ikɛnyi, maa kede ma 'wa uhwaŋna na atwa ga to. Bɛɛ hiɛŋ,

¹²To lono iwɛ iyi elele nɛ atwa ga imanganjɛ o, ta nda du kaa inyɛsɛ iyi nɛ aa nda inyɛsɛ ibɛ o.

¹³Teyinje maa, Gamba AGWANGWAMA na Hwuri Kpaaŋ N jirimi, Gamba abɛ shɛ bu na sụma inyɛsɛ.

¹⁴Iwɛ tijilo tu ga ti mi tụ 'wụtụ 'wụtụ, ibɛ po Ngaa shɛ utayɛ na atwa a twa udukwutwa nu bwa. Ngaa shɛ gana ugwuru na zhɛ wa ima atwa cɛnjɛ tu Juda keeni Isrɛl ta atwa Jɛrusalɛm hwɛɛ.

¹⁵Atwa ofwugwo zhɛ a twa udukwutwa; ɛ zhɛ a 'waŋ a bwaratagwụ. Ɛ zhɛ a ima aŋ nu ugwuru.

¹⁶Ahiɛba na hiɛ shɛ eseshi-iyi mi, untangana ma utumwa ga Agwatana m peni maa hi sweci uŋ du.

¹⁷AGWANGWAMA swakanɛ atwa ihwɛ Jekob, ama N zhɛ ma tɛtana bụ rishe, mu na nda ashɛlatụ ubwa.

¹⁸Gamba, na miaụŋ mu na AGWANGWAMA m peni. AGWANGWAMA na Hwuri Kpaaŋ, na idwɛtwɛ ibwɛ patanɛ ni Ishɛmɛ Zayon ubwa ɛtɛ njɛ atumwa uumwa no ofwo atwa Isrɛl.

¹⁹Ama atwa zhɛ mɛ hi hiɛŋ, Zhagana ma ashɛjɛ a na a duma unu-ụlatụ no tungwulo ta aba tu na oo ngwulo maa ahiɛ dumanganɛ tigesere. Ɛ zhɛ mɛ hi hiɛŋ, Tɛ shɛ ta hiɛ dumangana tigesere maa hi hwụjɛ iyi nɛ mpiala ma atwa na uwo ma duma iwɛ atwa na ta hwungwa.

²⁰Ajɛshɛgwa na ahiɛ shɛ hiɛ jishijɛ aŋ na, maa, Shɛlaga ma iyi nɛ AGWANGWAMA me hi mbisogono. Ta Shɛlagana ma ashɛjɛ o, iyi nɛ oo mo hi mbiso zha shɛ me hi mbiyono.

²¹Atwa zhɛ no rungo gbom na cɛnjɛ ta ata, nu u'waba tukwuswa keeni imunɛ. Iwɛ imunɛ ɛtɛ, na amɛ-tụhaŋtụ, ibɛ ɛɛ zhɛ na twaga agwuma aba keeni Agwatana aba. Ɛ zhɛ a ngbaraka tụla,

²²kwo kaa o zwono cɛnjɛ igbɛtɛtɛ, i zasa kaa iyi elele ɛɛ zhɛ a kwụba o, semi tiriri keeni tishi tụ 'wụtụ tu na ee zweni aŋ na tuba kiri.