Read bassa HOSIA 3 Bible Online

HOSIA 3 - bassa bible

HOSIA 3

¹Nazhɛ AGWANGWAMA m mbishi, bɛɛ hiɛŋ, Zhaga lubo sasana biyikwo ata bụ, okwo ta anya atwa o lubo bu, baa shaananɛ kaa buwɛle. Bɛ shɛ bo lubo bu waa tilɛɛ, gana na ta AGWANGWAMA lubi du atwa Isrɛl gom, okwo ta a vwụrɛ, ee zhegeni tuwa tɛzhɛba, aa jala kaa maa a na ya akara tụ'walụ ta afwafwa anaa na ee peni ntatanuwaŋ.[7]

²Ngoo so bu gana azụrụfa arinya umpwa-na-ba-a-ta keeni nkwuronu mi izɛgwu bali mi cihiŋ.

³Ngɛɛ hiɛŋ bụ, Nama ne mi te ilegeji, maa kede njɛ ya tuwɛle o, ta tuna ya kaa binya bụtụ o. Gabata du kaa Ngɛɛ zhɛ ma bụ namana.

⁴Iwɛnɛ po atwa Isrɛl zhɛ a nama te ilegeji, uzawa agwuma kwo kaa bi'yagajɛ, uzawa ụrụpɛ tuta kwo kaa atayɛ tijilo tishikocongo, uzawa ɛfod kwo kaa ntatanuwaŋ.

⁵Aka ata e ci ba, ta atwa Isrɛl tɛ zhɛ e gwure no ofwo AGWANGWAMA na shɛ Agwatana aba sasana, keeni ajalalo Devid na shɛ la agwuma aba. Ɛ zhɛ a zhajɛ ni inyɛsɛ tụsụma AGWANGWAMA, maa e leshiji uwebiye ubwa na aka umɛwɛɛ.