Read bassa JONA 2 Bible Online

JONA 2 - bassa bible

JONA 2

¹Nazhɛ go Jona njɛ adua pa AGWANGWAMA na shɛ Agwatana ubwa nu ugbokwo bijana ata, bɛɛ hiɛŋ,

²AGWANGWAMA, M bu suyanɛ ne tiriri ti mi, abu hwụjɛ kaa n'ungwa mi mi. Ngaa namɛ na amɛ u'uye, Ngaa uganɛ maa m mbiyeni, abụ hwụjɛ ga iwɛ mi.

³Gabụ bi n keri ne me'ilwo mi itekwu, tutu icicɛ ibɛ, ibɛ po meni mu n rungwutwonu, tumungwu mungwu ta adanga tu n tweri.

⁴N ngɛ hiɛŋ okwo e m becinji ya na agba bụ, ee n keri; Ngee eri shi ma bu zhɛba ya nu umwono bu tijilo kwukwuŋ.

⁵Meni ma ata mu n tweri hwɛɛ hwɛɛ mu, me'ilwo ma muba mu m mɛcɛ; ambɛ itekwu ɛtɛ peleji uhiuhiu mu.

⁶N zwi taa tuta ta amɛ nshama, na cɛnjɛ tu na e'uye tuba e n kepi unyizo-nom. Oo AGWANGWAMA na shɛ Agwatana mi, okwo ti yaa shɛ gana ata, gabụ kaa bu m bɛcinjɛ nu u'ibwa ata.

⁷AGWANGWAMA, aka na Ngee 'wi izhilwe, Ngee bi teyinje, ibɛ po adua mi zhe ee teni no ofwo bu taa na amɛ umwono bu tijilo.

⁸Atwa na a zhɛba ntatanuwaŋ mu na mɛ shɛ iyi tɛgadaga, e jineci tɛcara ta aba.

⁹Ama N zhɛ ma bụ zungangana azunga ashɛtwa na rụhwụŋ ri mi, N zhɛ ma bụ pana ụrụpɛ, N zhɛ kaa ma nda iyi nɛ Ngee shiri-unu ibɛ. AGWANGWAMA, gabụ kaa bo bicingo bụtụ.

¹⁰Nazhɛ AGWANGWAMA njɛ maa ga bijana ata gbajɛ Jona nu uhaŋsa.