Read bassa TƐRƐCƐ 7 Bible Online

TƐRƐCƐ 7 - bassa bible

TƐRƐCƐ 7

¹Aka na tu go Moses hwuwi udulo ata wa AGWANGWAMA tishikicingo, bee dudugeni uŋ manɛbɛ, baa njɛ uŋ tijilo, ti i'wɛŋni'wɛŋni nɛ zweni na amɛ ubwa hwɛɛ. Bee dudugeni du utukwu-ụrụpɛ manɛbɛ, baa njɛ uŋ tijilo medenji i'wɛŋni'wɛŋni ibwɛ hwɛɛ.

²Nazhɛ ehwurembe atwa Isrɛl, ne ehiu nhwaŋ me eshi aba, ne ehwurembe alamụ ata, aba shɛ atwa na untanganɛ tɛrɛcɛ ta atwa ata aa rɛcɛ, ee suje apwaŋ aba.

³Iyi nɛ shɛ apwaŋ aba na ee suje maa e peni AGWANGWAMA i shɛ ihɛŋtu cɛnjɛ icihiŋ, nɛ 'yajɛ tu'urugono, inɛɛ nɛ inɛ yo kokwulo, keeni inɛ umpwa-ni-bɛ-iyebi. Ehwurembe eyebi, aba 'waŋnɛ ụhaŋtụ ata, nazhɛ buhwuri-bu-umbe be elele 'waŋnɛ buna bu bwa bu ko. Ee peni uŋ nu umbe udulo ata ụ tu'ulwatagwụ.

⁴Nazhɛ AGWANGWAMA hiɛŋ Moses,

⁵Lashɛga apwaŋ ata maa a njɛ ugondu na aba nu udulo tu'ulwatagwụ, pana iŋ Alivai te teni cɛŋ gana na tu ugondu bụtụ bụtụ namɛ tɛnda.

⁶Go Moses suji ga ihɛŋtu ɛtɛ, keeni inɛ ɛtɛ, bee peni Alivai.

⁷Bee peni atwa Gɛshon ihɛŋtu iyebi keeni inɛ ineshi iwɛ ugondu wa aba.

⁸Bee peni atwa Mɛrari ihɛŋtu ineshi keeni inɛ i tindɛtu iwɛ ugondu wa aba. Ge Itama yɛu-ye-eyi Aron bunongbo, ubwa shɛ uhiu ugondu wa aba we elele na aa nda.

⁹Go Moses peni shi atwa Kohat ihɛŋtu keeni inɛ ye elele o, iwɛnɛ shɛ maa no shitutu ɛɛ zhɛ na 'waŋna i'wɛŋni'wɛŋni yo ohwolu ata tijilo, inɛɛ nɛ shɛ ugondu wa aba.

¹⁰Nazhɛ ehwurembe 'wananjɛ apwaŋ aba na aka na te e dudugeni utukwu-ụrụpɛ manɛbɛ, maa e peni aŋ nu umbe utukwu ata iwɛ tishilo tu na ee shiri uŋ swooŋ.

¹¹Nazhɛ AGWANGWAMA hiɛŋ Moses, Mbiso aŋ maa, ga shɛ buhwuri-bu-umbe bu ko ba 'waŋnɛ upwaŋ ubwa nụ ụjita ụjita, iwɛ tishilo tu utukwu-ụrụpɛ swooŋ.

¹²Bụtụ na 'waŋnɛ iyi ụrụpɛ ubwa nụ ụjita uhiiŋ i shɛ ga Nashon yɛu-ye-eyi Aminadab, na shɛ ụlamụ Juda.

¹³Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ (130) keeni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ maa i shɛ ụrụpɛ tiya,

¹⁴nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

¹⁵nu usemberi buna uko, nu udagba uko keeni yɛu-ye-eyi ụgwụdụ ike nɛ namɛ uywa uko te e meci iŋ, iwɛ ụrụpɛ tuhwoŋzhingo,

¹⁶nu upi uko iwɛ ụrụpɛ iwɛwɛ;

¹⁷ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom. Upwaŋ na ga Nashon yɛu-ye-eyi Aminadab 'waŋnɛ ta.

¹⁸Bụtụ na 'waŋnɛ iyi ụrụpɛ ubwa nụ ụjita uyebi i shɛ gɛ Netanɛl, yɛu-ye-eyi Zuar, na shɛ buhwuri-bu-umbe bụ ụlamụ Isaka.

¹⁹Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) keeni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya;

²⁰nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre;

²¹nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo;

²²nu upi uko iwɛ ụrụpɛ iwɛwɛ;

²³ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta shɛ uywa uko te e meci aŋ, maa o to ụrụpɛ wa amɛ-olom. Upwaŋ na gɛ Netanɛl yɛu-ye-eyi Zuar 'waŋnɛ ta.

²⁴Bụtụ na 'waŋnɛ iyi ụrụpɛ ubwa nụ ụjita ụtatụ i shɛ gɛ Ɛliab yɛu-ye-eyi Hɛlon, na shɛ buhwuri-bu-umbe bụ ụlamụ Zɛbulon.

²⁵Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ (130), keeni ikele nɛ oo zwono iyi tizhizhongo, nɛ uzhinono ibɛ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya.

²⁶Nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre;

²⁷nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo;

²⁸nu upi uko iwɛ ụrụpɛ iwɛwɛ;

²⁹ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom. Upwaŋ na gɛ Ɛliab yɛu-ye-eyi Hɛlon 'waŋnɛ ta.

³⁰Bụtụ na 'waŋnɛ iyi ụrụpɛ ubwa nụ ụjita uneshi i shɛ, gɛ Ɛlizu yɛu-ye-eyi Shɛdɛu na shɛ buhwuri-bu-umbe bụ ụlamụ Rubɛn.

³¹Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) keeni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya,

³²nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre;

³³nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo;

³⁴nu upi uko iwɛ ụrụpɛ iwɛwɛ;

³⁵ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta mu na mu ta namɛ uywa uko te e meci aŋ maa o to ụrụpɛ wa amɛ-olom.

³⁶Bụtụ na 'waŋnɛ iyi ụrụpɛ ubwa nụ ụjita utana i shɛ gɛ Shɛlumiɛl yɛu-ye-eyi Zurishadai, na shɛ buhwuri-bu-umbe bụ ụlamụ Simion.

³⁷Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya,

³⁸nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

³⁹nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁴⁰nu upi uko iwɛ ụrụpɛ iwɛwɛ;

⁴¹ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁴²Bụtụ na 'waŋnɛ iyi ụrụpɛ ubwa nụ ụjita ucihiŋ i shɛ gɛ Ɛliasaf yɛu-ye-eyi Dɛuyɛl, na shɛ buhwuri-bu-umbe bụ ụlamụ Gad.

⁴³Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya,

⁴⁴nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁴⁵nu usemberi buna uko, nu udagba uko keeni yɛu-ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁴⁶nu upi uko iwɛ ụrụpɛ iwɛwɛ;

⁴⁷ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁴⁸Bụtụ na 'waŋnɛ iyi ụrụpɛ ubwa nụ ụjita ucenje i shɛ gɛ; Ɛlishama yɛu-ye-eyi Amihud na shɛ buhwuri-bu-umbe bụ ụlamụ Ifrem.

⁴⁹Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa i shɛ ụrụpɛ tiya,

⁵⁰nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁵¹nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁵²nu upi uko iwɛ ụrụpɛ iwɛwɛ;

⁵³ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁵⁴Bụtụ na 'waŋnɛ iyi ụrụpɛ ubwa nụ ụjita ụtụndatụ i shɛ ga Gamaliɛl yɛu-ye-eyi Pɛdazu na shɛ buhwuri-bu-umbe bụ ụlamụ Manasɛ.

⁵⁵Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa o to ụrụpɛ tiya,

⁵⁶nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre

⁵⁷nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁵⁸nu upi uko iwɛ ụrụpɛ iwɛwɛ;

⁵⁹ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁶⁰Bụtụ na 'waŋnɛ iyi ụrụpɛ ubwa nụ ụjita ucinjishi i shɛ ga Abidan, yɛu-ye-eyi Gidioni, na shɛ buhwuri-bu-umbe bụ ụlamụ Bɛnjamin.

⁶¹Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ (130), ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa o to ụrụpɛ tiya,

⁶²nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁶³nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁶⁴nu upi uko iwɛ ụrụpɛ iwɛwɛ;

⁶⁵ni inɛ iyebi, na adagba a ta, ne epi a ta keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁶⁶Bụtụ na 'waŋnɛ iyi ụrụpɛ ubwa nụ ụjita u'umpwa, i shɛ ga Ahieze yɛu-ye-eyi Amishadai, na shɛ buhwuri-bu-umbe bụ ụlamụ Dan.

⁶⁷Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa o to ụrụpɛ tiya,

⁶⁸nu ugbamgbamu wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁶⁹nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁷⁰nu upi uko iwɛ ụrụpɛ iwɛwɛ;

⁷¹ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁷²Bụtụ na 'waŋnɛ iyi ụrụpɛ ubwa nụ ụjita umpwa-nu-boo-ko, i shɛ ga Pagiɛl yɛu-ye-eyi Okran, na shɛ buhwuri-bu-umbe bụ ụlamụ Ashɛ.

⁷³Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa o to ụrụpɛ tiya,

⁷⁴nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁷⁵nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁷⁶nu upi uko iwɛ ụrụpɛ iwɛwɛ;

⁷⁷ni inɛ iyebi, na adagba a ta, ne epi a ta, keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁷⁸Bụtụ na 'waŋnɛ iyi ụrụpɛ ubwa nụ ụjita umpwa-ni-bɛ-yebi, i shɛ ga Ahira yɛu-ye-eyi Inan, na shɛ buhwuri-bu-umbe bụ ụlamụ Naftali.

⁷⁹Upwaŋ ubwa na baa 'waŋnɛ ụ shɛ ụpalụ wa azụrụfa uko, na uzhinono ubwa ụ shɛ ɛshɛkɛl dipi-yebi-nu-talacɛ, (130) ni ikele nɛ oo zwono iyi tizhizhongo, nɛ uzhinono ibɛ ụ shɛ ɛshɛkɛl dupu-nu-woshi (70). Hwɛɛ bɛ iyebi ibɛ i shɛ gana na tɛ ɛshɛkɛl ohwolu tijilo namɛ, mihiuŋ mi tilee lee mu na mi hiŋtetenji na manɛbɛ kaa mi shinenji ni inɛ inɛ ibɛ, maa o to ụrụpɛ tiya,

⁸⁰nu ugbamgbam wa azhɛnarɛya uko na uzhinono ubwa ụ shɛ ɛshɛkɛl umpwa, na ee shidinji ni iturɛre,

⁸¹nu usemberi buna uko, nu udagba uko keeni yɛu-ye-eyi ụgwụdụ ike nɛ ta namɛ uywa uko te e meci iŋ, iwɛ ụrụpɛ tuhwoŋzhingo,

⁸²nu upi uko iwɛ ụrụpɛ iwɛwɛ;

⁸³ni inɛ iyebi, na adagba a ta, ne epi a ta keeni miaụŋ-ma-agwụdụ me eyi mu ta, mu na mu ta namɛ uywa uko te e meci aŋ, maa o to ụrụpɛ wa amɛ-olom.

⁸⁴Ijɛ ibɛ i shɛ arụpɛ na ehwurembe atwa Isrɛl to iwɛ tijilo tu utukwu-ụrụpɛ, na aka na te e dudugeni uŋ manɛbɛ; ibɛ i shɛ apalụ azụrụfa umpwa-na-ba-eyebi, no nkolo ma azụrụfa mu na oo zwono iyi tizhizhongo umpwa-na-muba-mi-yebi, na agbamgbam azhɛnarɛya umpwa-na-ba-eyebi.

⁸⁵Uzhinono wa apalụ azụrụfa we elele ụ shɛ ɛshɛkɛl dipi-yebi-nu-talacɛ, una ugbamgbam we elele ụ shɛ ɛshɛkɛl dupu-nu-woshi. Iyi uhwugwa ya azụrụfa kpaaŋ i shɛ ɛshɛkɛl ugbaa-uko-na-akpakwụ-eyebi, (1,400) nu gana na tɛ ɛshɛkɛl ohwolu tijilo namɛ.

⁸⁶Agbamgbam azhɛnarɛya namɛ umpwa-na-ba-eyebi, a na iturɛre shinenji ni inɛ inɛ ibɛ nɛ shɛ uzhinono wɛ ɛshɛkɛl umpwa, nu gana na tɛ ɛshɛkɛl ohwolu tijilo namɛ. Agbamgbam ata azhɛnarɛya hwɛɛ a shɛ ɛshɛkɛl dipi-yebi-nu-woshi.

⁸⁷Iyimabiga nɛ i shɛ iwɛ ụrụpɛ tuhwoŋzhingo hwɛɛ i shɛ inɛ umpwa-ni-bɛ-iyebi, na adagba umpwa-na-ba-eyebi, na miaụŋ-ma-agwụdụ me eyi mu na mu ta namɛ uywa uko te e meci aŋ, a namɛ umpwa-na-ba-eyebi, medenji ụrụpɛ tiya, ne epi umpwa-na-ba-eyebi iwɛ ụrụpɛ iwɛwɛ.

⁸⁸Iyimabiga nɛ i shɛ iwɛ ụrụpɛ wa amɛ-olom hwɛɛ i shɛ inɛ woshi-ni-bɛ-neshi, na adagba dupu-ne-eshe-umpwa, (60) ne epi dupu-ne-eshe-umpwa, (60) na miaụŋ-ma-agwụdụ mu na mu ta namɛ uywa uko te e meci aŋ dupu-ne-eshe-umpwa (60). Inɛ gɛ ibɛ shɛ ụrụpɛ na oo to iwɛ tijilo tu utukwu-ụrụpɛ, na aba na te e dudugeni uŋ manɛbɛ.

⁸⁹Aka na tu go Moses teni nu udulo tu'ulwatagwụ maa dumanga n-ndumwa na AGWANGWAMA, baa hwụjɛ ta rụhwụŋ ra njɛ nu bwa no tu'urugono ti Ikpɛtɛ ɛtɛ Unu-tutwa na ashashɛ iyi-uumwa ɛtɛ 'yajɛ apiambɛ.