Read bassa JOSHUA 12 Bible Online

JOSHUA 12 - bassa bible

JOSHUA 12

¹Shegwuma shɛ cɛnjɛ tu na atwa Isrɛl lasatagwụ, ee suji i'wɛŋnɛ ya aba na cɛnjɛ ti hileniye Jodan geri bu uwaŋna-banụ, te kwune nu Ulomu Anon i ci Ishɛmɛ Hemon keeni cɛnjɛ ta Araba hwɛɛ, tutu geri bu uwaŋna-twonuo na:

²Ge Sihon agwuma A'amo, na jɛjɛ ni Hɛshbon, na cɛnjɛ tu bwa tu kwune na Aroe, na namɛ nu ukwoswo Ulomu Anon, ibɛ shɛ te kwune na ashashɛ ulomu tutu i ci Urefu Jabok, no tugwungwu ta A'amo, na shɛ tudwonu ta ashashɛ Giliad.

³Ubwa du untanganɛ te kwune ni Itekwu Kinɛrot[16] tutu i ci geri bu uwaŋna-banụ bu Araba, i ci Itekwu ɛtɛ ya Araba (nɛ shɛ Itekwu Manɛ),[17] geri bu tuta te embi Ishɛmɛ Pisga.

⁴A lasụ du Og na shɛ agwuma Bashan, na namɛ na atwa ɛmɛwɛɛ a na shɛ Arefaim a na namɛ na Ashtarot keeni Edrɛi.

⁵Ubwa 'yajɛ ụhwada Ishɛmɛ Hemon keeni Salika keeni Bashan hwɛɛ, tutu i ci tugwungwu ta atwa Gɛshu keeni atwa Meaka keeni ashashɛ Giliad tutu i ci tugwungwu ti Sihon agwuma Hɛshbon.

⁶Go Moses yɛu-ugondu ya AGWANGWAMA, keeni atwa Isrɛl lasụ shɛgwuma sha ata shi yebi. Bee suji cɛnjɛ ta aba bee peni ụlamụ Rubɛn, nu una Gad keeni ashashɛ ụlamụ Manasɛ maa a 'yaga.

⁷Go Joshua keeni atwa Isrɛl lasatagwụ shɛgwuma shɛ na shɛ namɛ no tugwungwu tu Jodan geri bu uwaŋna-twonuo, te kwune ni Bal-gad na namɛ nu Ulomu Lebanon tutu i ci Ishɛmɛ Halak, inɛɛ nɛ uzoto ibɛ peni geri bi Sei. Nazhɛ boo dwotwogonu cɛnjɛ ta ata na ashashɛ alamụ miaụŋ mi Isrɛl, bee peni aŋ maa a 'yaga tụ umɛwɛɛ.

⁸Cɛnjɛ ta ata tu togotogwu ta cɛnjɛ ti ishɛmɛ, ta ma tu tu embi ishɛmɛ geri bu uwaŋna-twono, ta ma tu tu Jodan keeni embi ishɛmɛ u tuba, tu uzwoozwo geri bu uwaŋna-banụ, keeni cɛnjɛ ta ata tuhwoo tụ ụzalụ tuta. Na cɛnjɛ ta ata la Ɛhit, na A'amo, ne Ekenan, nɛ Ɛpɛrɛz, nɛ Ɛhiv keeni Ɛjɛbus jɛjɛ cala. Shɛgwuma sha ashɛpwụ na atwa Isrɛl lasatagwụ na:

⁹agwuma Jɛriko, na agwuma Ai, na gwumwonu ni Bɛtɛl,

¹⁰agwuma Jɛrusalɛm, na agwuma Hibron;

¹¹agwuma Jamut, na agwuma Lakish,

¹²agwuma Iglon, na agwuma Gɛzɛ,

¹³agwuma Dɛbi, na agwuma Gɛdɛ;

¹⁴agwuma Homa, na agwuma Arad;

¹⁵agwuma Lɛbna, na agwuma Adulam;

¹⁶agwuma Makida, na agwuma Bɛtɛl;

¹⁷agwuma Tapua, na agwuma Hɛfɛ;

¹⁸agwuma Afɛk, na agwuma Lasheron;

¹⁹agwuma Mason, na agwuma Hɛzo;

²⁰agwuma Shimron-mɛron, na agwuma Akshaf;

²¹agwuma Teanak, na agwuma Mɛgido;

²²agwuma Kadɛsh, na agwuma Jokniam, (na namɛ nu Kamɛl);

²³agwuma Do, na namɛ ni Nafat-do, na agwuma Goim, na namɛ ni Gilgal;

²⁴agwuma Tiza, shɛgwuma sha ata hwɛɛ shɛ namɛ talacɛ-nu-boo-ko.