Read bassa JOSHUA 15 Bible Online

JOSHUA 15 - bassa bible

JOSHUA 15

¹Gana amwamwa ụlamụ Juda leshiji cɛnjɛ ta aba na: Cɛnjɛ ta ata ti ce eririri tuta tụ ụshɛka Zin, no ogwungwu Idụm.

²Tugwungwu ta aba tụ ụzalụ tuta tu kwune nu ukwunanga Itekwu ɛtɛ Manɛ, taa kwunanjɛ nu uhwacɛ ata ngbaracɛ ụzalụ tuta.

³Tee beni apata tee zhe nu upada tuta no tumungo ta Akrabim, tee keshici apata tee zhe, Zin, nazhɛ tee munji apata tee duri upada tuta ti Kadɛsh-bania, tee keshici apata too gwumwonu ni Hezron, na munji Ada, tee ringeni tee zhe Kaka.

⁴Nazhɛ tee keshici apata tee zhe Azmon, tee beni apata tee zhe ni isese Ijipti, taa kwunanjɛ ni itekwu ɛtɛ. Apata i shɛ tugwungwu ta aba tụ ụzalụ tuta.

⁵Itekwu ɛtɛ Manɛ ibɛ shɛ tugwungwu tụ ụzalụ bu uwaŋna-banụ tutu i ci uhwacɛ ata Jodan wo zwogono. Tugwungwu tụ ụzalụ bu tuzuba ti beni apata,

⁶too to tuhwulo tee munji Bɛt-hogla, tee hwuri tuzuba ti Bɛt-araba, tee zhe nu utayɛ Bohan, na shɛ yɛu-ye-eyi Rubɛn.

⁷Nazhɛ tugwungwu ti beni nu Ulomu Eko tee munji Dɛbi, nazhɛ tee ringeni tuzuba, taa ngbaracɛ geri bi Gilgal na gwumwonu no tumungo ta Adumim na namɛ tuta tu ulomu ata. Nazhɛ too to tuhwulo tee zhe ne meni mi Ɛn-shɛmɛsh, tee mwe ni Ɛn-rogɛl.

⁸Tee beni apata tee munji Ulomu Bɛn-hinom, taa palanganɛ tuzuba tu uzwoozwo tụ ụshɛpwụ Ɛjɛbus (ibɛ shɛ Jɛrusalɛm). Tee beni apata tee munji ihiŋhiŋ ishɛmɛ ɛtɛ namɛ nu uwaŋna-twonuo Ulomu Hinom nu ukwunanga ulomu ata tuzuba ta Arefaim.

⁹Tee beni ni ihiŋhiŋ ishɛmɛ ɛtɛ, tee zhe nu umɛzhinjɛ Nɛftoa, tee mwe na ashɛpwụ Ishɛmɛ Ifron, tee zwi geri bi Beala (ibɛ shɛ Kiriat-jiarim).

¹⁰Ti tee beni ni Beala tee ringeni geri bu uwaŋna-twonuo, tee zhe ni Ishɛmɛ Sei, taa palanganɛ tuzuba to tuzwo ti Ishɛmɛ Jiarim (ibɛ shɛ Kɛsalon), too to tuhwulo tee zwi Bɛt-shɛmɛsh, tee keshici Timna.

¹¹Nazhɛ tee beni apata tee hwuri tuzuba to tuzwo ti Ekron, tee ringeni geri bi Shikɛron, taa palanganɛ Ishɛmɛ Beala tee keshici tee ci Jabniɛl. Ibɛ tugwungwu ta ata tu kwunanjɛ ni itekwu.

¹²Ukwoswo Itekwu ɛtɛ I'wɛtwɛ ibɛ shɛ ogwungwu ụzalụ bu uwaŋna-twonuo. Tugwungwu tu ga hwɛɛ tuba tu rungwutwonu amwamwa ụlamụ Juda.

¹³Go Joshua peni Kalɛb yɛu Jefune urobwo ubwa na ashashɛ atwa Juda maa 'yaga ụshɛpwụ ata ɛɛ hiɛŋ, Kiriat-aba na shɛ Hibron, gana na ta AGWANGWAMA peni bu la unu, (ga Aba ata ubwa shɛ bishi Anak).

¹⁴Nazhɛ ga Kalɛb unzhi miaụŋ-me-eyi mu Anak mu tatụ mee beni apata, aba shɛ ge Shishai, na Ahiman keeni Talmai, a na shɛ ajalalo Anak.

¹⁵Ti bee beni apata bee munji, bee zhe baa sukakanɛ atwa na jɛjɛ ni Dɛbi na (ɛɛ hiɛŋ la izeci ubwa Kiriat-sifɛ cala).

¹⁶Ga Kalɛb hiɛŋ, Bụtụ be elele na leshiji Kiriat-sifɛ, N zhɛ ma pana bụ yɛu mi ga Aksa maa zana.

¹⁷Ibɛ po go Otiniɛl yɛu Kinaz, na shɛ buhongwu Kalɛb leshiji ụshɛpwụ ata, nazhɛ bee peni bu ga Aksa yɛu ibwɛ bee zeni.

¹⁸Tụ ụjita towo ta aba ci, go Otiniɛl[18] uranjɛ yɛu ɛtɛ yo o maa ga lụpa bishi bwa itimɛ ike. Ibɛ po yɛu ɛtɛ yo o kezhe ni izhinyɛci ibwɛ, ga Kalɛb bishi bwa[19] hiɛŋ bụ, Imbe aba jala maa Ma bụ ndanaa?

¹⁹Ibɛ po yɛu ɛtɛ yo o jishijɛ bụ, bɛɛ hiɛŋ, M peni a'ibwa meni oko, iwɛnɛ po cɛnjɛ ta ata ebu m peni tɛ shɛ cɛnjɛ tu hwoo. Ibɛ po ga Kalɛb peni bu a'ibwa meni a na namɛ tuzuba keeni anaa na namɛ tuta.

²⁰Cɛnjɛ tu na amwamwa ụlamụ Juda leshiji maa a 'yaga na:

²¹Ashɛpwụ a'wụtụ a na shɛ a na ụlamụ Juda e keshici ee zhe tutu tuta ta cɛnjɛ tuhwoo, geri bo tugwungwu ti Idụm, aba shɛ: Kabzɛɛl, ni Idɛ, nu Jagu,

²²ni Kina, ni Dimona, na Adada,

²³ni Kɛdɛsh, nu Hazo, ni Itnan,

²⁴ni Zif, ni Tɛlɛm, ni Bealot,

²⁵nu Hazo-hadata, ni Kɛri-ot-hɛzron (ibɛ gɛtɛtɛ shɛ Hazo),

²⁶nu Amam, ni Shima, nu Molada,

²⁷nu Haza-gada, ni Hɛshmon, ni Bɛt-pɛlɛt,

²⁸nu Haza-shual, ni Biɛshiba, ni Biziotia,

²⁹ni Beala, ni Iim, ni Izɛm,

³⁰ni Ɛltolad, ni Kɛsil, nu Homa,

³¹ni Ziklag, nu Madmana, nu Sansana,

³²ni Lɛbaot, ni Shilhim, na Ain keeni Rimon: ashɛpwụ ga hwɛɛ namɛ woshi-na-ba-ecinjishi medenji ekpekpe na rungwutwonu aŋ.

³³Anaa na namɛ ne embi ishɛmɛ geri bu uwaŋna-twonuo na: Ɛshtaol, nu Zora, na Ashna,

³⁴nu Zanoa, ni Ɛnganim, nu Tapua, ni Inam,

³⁵ni Jamut, na Adulam, nu Soko, na Azika,

³⁶ni Shearaim, na Aditaim, ni Gɛdɛra, ni Gɛdɛrotaim: a na ata namɛ umpwa-na-ba-eneshi medenji ekpekpe na rungwutwonu aŋ.

³⁷Zinan, nu Hadasha, ni Migdal-gad,

³⁸ni Dilian, ni Mizpa, nu Joktiɛl,

³⁹nu Lakish, nu Bozkat, ni Ɛglon,

⁴⁰nu Kabon, nu Lamam, ni Kitlish,

⁴¹ni Gɛdɛrot, ni Bɛt-degon, ni Neama, keeni Makida: a na ata namɛ umpwa-na-ba-ecihiŋ, medenji ekpekpe na rungwutwonu aŋ.

⁴²Lɛbna, ni itɛ, nu Ashan,

⁴³ni Ifta, na Ashna, ni Nizib,

⁴⁴ni Keila, nu Akzib, keeni Marisha: a na ata namɛ ecinjishi, medenji ekpekpe na rungwutwonu aŋ.

⁴⁵Ekron, medenji ashɛpwụ ubwa, medenji ekpekpe na rungwutwonu uŋ;

⁴⁶te beni ni Ekron i ci Itekwu, a na ata hwɛɛ namɛ na bụ'aŋbụ na dongonu Ashdod, medenji ekpekpe na rungwutwonu uŋ.

⁴⁷Ta Ashdod, na ashɛpwụ ubwa, medenji ekpekpe ubwa; tu Gaza, na ashɛpwụ ubwa, medenji ekpekpe ubwa, tutu i ci isese Ijipti keeni ukwoswo Itekwu ɛtɛ I'wɛtwɛ.

⁴⁸A na cɛnjɛ ti ishɛmɛ na: Shemi, nu Jati, nu Soko,

⁴⁹nu Dana, ni Kiriat-sana (ibɛ gɛtɛtɛ shɛ Dɛbi),

⁵⁰Anab, ni Ɛshtemo, ni Enim,

⁵¹nu Goshɛn, nu Holon, keeni Gilo: a na ata namɛ ashɛpwụ umpwa-nu-boo-ko, medenji ekpekpe na rungwutwonu aŋ.

⁵²Arab, nu Duma, ni Ishan,

⁵³Janim, ni Bɛt-tapua, na Afeka,

⁵⁴Humta, ni Kiriat-aba, (ibɛ gɛtɛtɛ shɛ Hibron), keeni Zio: a na ata namɛ ashɛpwụ ecinjishi, medenji ekpekpe na rungwutwonu aŋ.

⁵⁵Meon, nu Kamɛl, ni Zif, nu Juta,

⁵⁶ni Jɛzrɛl, nu Jokde-am, nu Zanoa,

⁵⁷Kain, ni Gibia, keeni Timna: a na ata namɛ ashɛpwụ umpwa, medenji ekpekpe na rungwutwonu aŋ.

⁵⁸Halhul, ni Bɛt-zu, ni Gido,

⁵⁹ni Mearat, ni Bɛt-enot, keeni Ɛltekon: a na ata namɛ ashɛpwụ ecihiŋ, medenji ekpekpe na rungwutwonu aŋ.

⁶⁰Kiriat-beal (ibɛ gɛtɛtɛ shɛ Kiriat-jiarim), keeni Raba: a na ata namɛ ashɛpwụ eyebi, medenji ekpekpe na rungwutwonu aŋ.

⁶¹Anaa na namɛ nụ ụshɛka na: Bɛt-araba, ni Midin, ni Sɛkeka,

⁶²ni Nibshan na shɛ ụshɛpwụ manɛ, keeni Ɛn-gɛdi: a na ata namɛ ashɛpwụ ecihiŋ, medenji ekpekpe na rungwutwonu aŋ.

⁶³Ama atwa Juda eri shi o unzo Ɛjɛbus a na jɛjɛ nu Jɛrusalɛm o; iwɛbɛ po Ɛjɛbus ta jɛjɛ nu Jɛrusalɛm na atwa Juda taa hwayɛ.