Read bassa JOSHUA 16 Bible Online

JOSHUA 16 - bassa bible

JOSHUA 16

¹Cɛnjɛ tu na ee peni ajalalo Josɛf, tu kwuni nu Jodan na dongonu Jɛriko, geri bu uwaŋna-banụ bu meni ma ata mi Jɛriko, tee teni nụ ụshɛka, tee beni ni Jɛriko tee munji tee teni cɛnjɛ ti ishɛmɛ tutu i ci Bɛtɛl.

²Tee beni ni Bɛtɛl tee zhe Luz, tee keshici tee zhe no tugwungwu ta atwa Aki na namɛ na Atarot.

³Nazhɛ tee zhe tee zwi geri bu uwaŋna-twonuo, tutu i ci tugwungwu ta atwa Jaflɛt, tutu i ci tugwungwu to tuzwo ti Bɛt-horon, tee zhe Gaza, taa kwunanjɛ ni itekwu.

⁴Gana atwa Josɛf, ga Manasɛ keeni Ifrem leshiji cɛnjɛ tu na maa a 'yaga ta.

⁵Tugwungwu ta cɛnjɛ ta amwamwa Ifrem na: Tugwungwu ta cɛnjɛ ta aba ti kwuni geri bu uwaŋna-banụ ba Atarot-ada, tutu Bɛt-horon na patanɛ na azuba.

⁶Too to tuhwulo tee ci itekwu. Tee beni tuzuba ti Mikmɛtat, tee ringeni geri bu uwaŋna-banụ, tee zhe Tanat-shilo, tee keshici taa palanganɛ uŋ, tee zhe Janoa ata namɛ nu uwaŋna-banụ.

⁷Nazhɛ tee beni nu Janoa, tee zwi tee ci Atarot keeni Neara, tee timengeni Jɛriko, tee mwe nu Jodan.

⁸Tugwungwu ta ata ti beni nu Tapua geri bu uwaŋna-twonuo, i ci Isese Kena, taa kwunanjɛ ni itekwu. Cɛnjɛ tu na ee peni amwamwa ụlamụ Ifrem maa a 'yaga ta.

⁹Medenji ashɛpwụ ata a'wụtụ keeni ekpekpe aba anaa na ee ge tileni swooŋ iwɛ miaụŋ mi Ifrem, a namɛ na amɛ cɛnjɛ tu miaụŋ mu Manasɛ kpaaŋ.

¹⁰Okwo ti yaa shɛ bwonu e unzhi shi atwa Kenan a na jɛjɛ nu Gaza o; iwɛbɛ po atwa Kenan ta jɛjɛ na ashashɛ atwa Ifrem tutu taa hwayɛ. Ama tuba a nda aŋ maa a na ndana aŋ ugondu ukpahiŋ gana ajama.