Read Batak Angkola PAMUNGKAAN 36 Bible Online

PAMUNGKAAN 36 - Batak Angkola bible

PAMUNGKAAN 36

¹On ma pomparan ni si Esau, na margoar si Edom muse.

²Angka boru Kanaan do dialap si Esau, i ma si Ada, boru ni si Elon halak Het; si Oholibama boru ni si Ana jana pahompu ni si Zibeon halak Hewi;

³si Basmat boru ni si Ismael jana iboto ni si Nebayot.

⁴Ditubuhon si Ada ma si Elifas, si Basmat manubuhon si Rehuel,

⁵jana si Oholibama manubuhon si Jeus, si Jaelam, dohot si Korah. Di Luat Kanaan do sude sorang dakdanak i.

⁶Dung i dioban si Esau ma sude dadaborunia, angka anak dohot borunia, dohot sude jolma na adong di bagasnia maradu sude pahan-pahanan dohot barang-barang sinadongannia na dapotnia di Kanaan, ditadingkon ia ma si Jakob angginia i, jana kehe ma ia tu luat na asing.

⁷Ditadingkon si Esau pe si Jakob hara ni na so tuk do luat na niinganan ni halahi i mangalehen panganon ni pahan-pahanan ni halahi i hara ni bahatna.

⁸Jadi torus noma si Esau maringanan di luat Dolok Edom.

⁹On ma pomparan ni si Esau, ompu ni halak Edom.

¹⁰Ditubuhon ripe ni si Esau na margoar si Ada ma sada anak halaklahi na margoar si Elifas. Jana adong do lima anak ni si Elifas, i ma si Teman, si Omar, si Zefo, si Gaetam dohot si Kenas. Adong dope ripe ni si Elifas na asing, si Timna goarna. Ditubuhon ia do anak sada na margoar si Amalek. Dadaboru ni si Esau na margoar si Basmat, ditubuhon do sada anak halaklahi na margoar si Rehuel. Jana adong do opat halak anak ni si Rehuel, i ma si Nahat, si Zerah, si Sama dohot si Misa.

¹⁴Dadaboru ni si Esau na margoar si Oholibama, i ma boru ni si Ana jana pahompu ni si Zibeon, ditubuhon on tolu anak halaklahi, i ma si Jeus, si Jaelam dohot si Korah.

¹⁵Angka on ma marga-marga sian pomparan ni si Esau: Si Elifas anak siangkaan ni si Esau i ma na gabe ompu ni angka marga-marga na mangihut on: Teman, Omar, Zefo, Kenas,

¹⁶Korah, Gaetam dohot Amalek. Pomparan ni si Ada ripe ni si Esau i ma sudena i.

¹⁷Si Rehuel anak ni si Esau, i ma na gabe ompu ni angka na mangihut on: Si Nahat, si Zerah, si Sama, si Misa. Pomparan ni si Basmat ripe ni si Esau do sudena halahi.

¹⁸Angka na mangihut on, i ma angka pomparan ni si Esau sian ripenia na margoar si Oholibama, boru ni si Ana, i ma: Si Jeus, si Jaelam dohot si Korah.

¹⁹Pomparan ni si Esau ma sude marga-marga i.

²⁰Anggo mangingani tano Edom humani pomparan ni si Seir halak Hori do na marbagi-bagi piga-piga marga. Angka on ma margana: Lotan, Sobal, Zibeon, Ana, Dison, Eser dohot Disan.

²²Lotan ma ompu ni Marga Hori dohot Heman. (Adong do iboto ni si Lotan, i ma na margoar si Timna.)

²³Sobal ma ompu ni angka marga: Alwan, Manahat, Ebal, Sefo, dohot Onam.

²⁴Adong do dua anak ni si Zibeon, i ma si Aya dohot si Ana. (Si Ana on ma na mandapot mual ni aek milas di padang parhorsihan, di na topet marmahan angka halode ni amangnia ia.)

²⁵Si Ana ma amang ni si Dison jana si Dison ma ompu ni angka marga: Hemdan, Esban, Jitran dohot Keran. Adong muse do sada boru ni si Ana na margoar si Oholibama.

²⁷Si Eser ma ompu ni marga: Bilhan, Zaawan dohot Akan.

²⁸Si Disan ma ompu ni Marga Us dohot Aran.

²⁹Angka on ma marga-marga ni Hori di Luat Edom: Lotan, Sobal, Zibeon, Ana, Dison, Eser dohot Disan.

³¹Dompak so jungada dope adong sada raja na mamarenta di Israel, mamarenta do di tano Edom angka raja na marjojor di toru on: Si Bela anak ni si Beor na sian Dinhaba. Si Jobab anak ni si Zera na sian Bosra. Si Husiam sian luat ni halak Teman. Si Hadad anak ni si Bedad sian Awit (on ma na manaluhon halak Midian di parporangan na di Luat Moab). Si Samla na sian Masreka. Si Saul na sian Rehobot na di topi ni batang aek. Si Baal-Hanan anak ni si Akbor. Si Hadar na sian Pahu (si Mehetabeel goar ni dadaboruna, boru ni si Matred jana pahompu ni si Mesahab).

⁴⁰Si Esau ma ompu ni angka marga-marga ni Edom na mangihut on: Timna, Alwa, Jetet, Oholibama, Ela, Pinon, Kenas, Teman, Mibsar, Magdiel dohot Iram. Ganop marga do mambaen goarna tu luat na niinganannabe.