Read Batak Angkola 2 SAMUEL 1 Bible Online

2 SAMUEL 1 - Batak Angkola bible

2 SAMUEL 1

¹Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

²ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

³Disapai si Daud ma tusia, “Sian dia do ho?” Alusnia, “Na marlojong do au sian parbandaran ni halak Israel.”

⁴“Aha na masa?” ning si Daud manyapai. Dialusi doli-doli i ma, “Ma marlojong rayatnami sian parporangan, jana bahat na mate, dohot do si Saul dohot si Jonatan disi.”

⁵“Sian dia diboto ho,” ning si Daud manyapai ia.

⁶Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

⁷Dung i manaili ma ia tu pudi jana diida ia ma au, jana dipiohon ia ma au, jana hualusi ma, ‘Olo tuannami.’

⁸Disapai ia ma sanga ise au, jana hupaboa ma tusia anggo au halak Amalek do.

⁹Dung i didok ia ma tu au, ‘Ro ma tuson, jana bunu ma au! Mabugang do au banga jana mate ne ma au.’

¹⁰Dung i ro ma au mandapotkon ia, jana hubunu, angke huboto do, muda tinggang ia angkon na laing mate. Dung i hubuat ma tuku sian ulunia dohot golang sian tangannia, jana huoban tuson tu tuanku.”

¹¹Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

¹²Mangangguhi ma halahi, tangis jana marpuaso lopus borngin salaho tu si Saul dohot tu si Jonatan dohot di halak Israel, bangso ni TUHAN i, angke bahat sajo do antong na mate di parporangan i.

¹³Dung i disapai si Daud ma doli-doli na maroban barita i, “Sian dia hutamu?” Alusnia, “Halak Amalek do anggo au, tapi na mangaranto do au di tano ni tuanku.”

¹⁴Didok si Daud ma, “Na puluk ma ho antong mamunu raja na nipili ni TUHAN!”

¹⁵Lalu dipiohon ia ma sahalak sian parangannia i jana dilehen ia parenta, “Bunu ma on!” Ditampul bayo i ma doli-doli halak Amalek i jana dibunu.

¹⁶Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni TUHAN i gabe raja.”

¹⁷Dung i diendehon si Daud ma andung-andung on hara ni si Saul dohot hara ni si Jonatan,

¹⁸jana diparentahon ia ma anso diajarkon ende on tu Marga Juda. (Tarsurat do ende on di Buku Jasar.)

¹⁹“O Israel, di angka dolokmu, di adu marujung angka soridadu, anak ni raja marurus ma halahi songon bunga-bunga ni bangso!

²⁰Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

²¹O angka Dolok Gilboa, tangihon pamiongku: Ulang jabat bornok ho baenon ni ombun dohot udan! Gumonan hiang marigang ladang dohot padang. Angke disi ma antong madabu onding-onding ni na barani. Dohot parince ni si Saul pe ma pola haraton, nada be dimiahi.

²²Sior ni si Jonatan na gogo mamatehon i Podang ni si Saul na so tumanda ampunan i mamunu musu, mangabiskon alona.

²³Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

²⁴O hamu anak boru ni Israel, andungi hamu ma si Saul, raja i! Na pajagar hamu dohot pakean na arga sian abit kirmisi, jana na pajegeskon hamu dohot sere maradu batu na arga.

²⁵Ma pola marujung ngolu ni angka soridadu, martinggangan di galanggang parporangan dohot di angka dolok halongonan mambustang si Jonatan, mate tarbunu.

²⁶O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

²⁷Madung marurus angka soridadu, angka sinjata pe marsegoan!”