Read Batak Angkola 1 RAJA-RAJA 4 Bible Online

1 RAJA-RAJA 4 - Batak Angkola bible

1 RAJA-RAJA 4

¹Si Salomo madung gabe raja di sude Israel.

²On ma angka parpangkat na gincat na niangkat ni si Salomo: Angka malim: Si Zadok, si Asarya anak ni si Zadok, si Abyatar. Sekretaris di bagas ni raja: Si Elihorep dohot si Ahia, anak ni si Sisia. Bendahara negara: Si Josafat anak ni si Ahilud. Panglima tentara: Si Benaya anak ni si Joyada. Pangawas ni angka gubernur: Si Asarya anak ni si Natan. Panuturi ni raja: Malim Zabud anak ni si Natan. Kapala ni parkarejo di bagas ni raja: Si Ahisar. Kapala ni parkarejo paksa: Si Adoniram anak ni si Abda.

⁷Diangkat si Salomo do dua bolas Gubernur di sude harajaan Israel. Angka karejo na dung nitontuhon tu halahi, i ma palagutkon sian daerah ni halahi be bahan sipanganon di raja dohot sude na tinggal di bagas godangnia. Ganop Gubernur margeler ma palagutkon jana pasahatkon i sabulan lolotna di bagasan sataon.

⁸Sada halak ma na mangawasi Gubernur na dua bolas halak i. Angka on ma goar-goar ni Gubernur i dohot luat na nigomgoman ni halahi be: Si Ben-Hur: Di luat partoran Efraim. Si Ben-Deker: Di kota Makas, Saalbim, Bet-Semes, Elon, Bet-Hanan. Si Ben-Hesed: Di kota Arubot, Soko, sude Luat Hefer. Si Ben-Abinadap: Halaklahi ni si Tafat, boru ni si Salomo; sude Luat Dor. Si Baana anak ni si Ahilud: Kota Taanak, Megido, sude luat na di lambung ni Bet-Sean donok tu kota Sartan di Selatan ni kota Jisreel, lopus lalu tu kota Abel-Mehola dohot tu kota Jokmeam. Si Ben-Geber: Di kota Ramot na di Gilead, angka huta na di Gilead, tano ni Marga Jair pomparan ni si Manase, Luat Argob di Basan, adong do onom pulu kota na godang-godang na marbenteng jana margoruk-goruk tumbaga di angka horbanganna. Si Ahinadab anak ni si Ido di Luat Mahanaim. Si Ahimaas, halaklahi ni si Basmat boru ni si Salomo, di Luat Naftali: Si Baana anak ni si Husai di Luat Aser dohot Luat Alot. Si Josafat anak ni si(...)

²⁰Songon bahat ni horsik na di topi ni laut do bahat ni rayat ni Juda dohot Israel. Sonang do ngolu ni halahi, jana marlobi-lobi sipanganon dohot siinumon.

²¹Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

²²Angka sipanganon na porlu di si Salomo ganop ari, lima ribu liter topung na halus, sampulu ribu liter topung na kasar,

²³sampulu lombu na momok, dua pulu lombu na sian padang dohot saratus biri-biri. Asing sian i ursa, hije, bedu dohot unggas.

²⁴Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

²⁵Salolot di ngolu ni si Salomo, sonang jana dame do halak di tano Juda dohot Israel, ganop ripe adong be kobun anggurna dohot kobun hayu arana.

²⁶Adong do dua bolas ribu tentara parkudo ni si Salomo jana kudonia opat pulu ribu bara sitarik angka karetania.

²⁷Margonti ma sasabulan ganop gubernur mangalehen panganon tu Raja Salomo dohot panganon ni sude halak na tinggal di bagas godang i, gabe nada adong halahi hurangan bagi aha pe.

²⁸Ganop gubernur i angkon mangalehen jawawut dohot durame panganon ni kudo ni si Salomo, bope kudo tunggang sanga kudo kareta. Dioban do panganon ni kudo i sanga sadia bahatna na diporluhon.

²⁹Dilehen Debata do di si Salomo bisuk dohot parbinotoan na sumurung dohot pangastuion na bagas situtu.

³⁰Di angka luat na di Habincaran dohot na di Mesir nada adong halak na ummalo sian ia.

³¹Tutu do, ia do na ummalo sian sude jolma, lumobi dope sian si Etan halak Esrahi, si Heman, si Kalkol dohot si Darda, i ma angka anak ni si Mahol. Tarbonggal do goar ni si Salomo sun tu dia di angka luat na humaliang harajaannia.

³²Adong do tolu ribu umpamania dohot saribu ende-ende na nikarangnia.

³³Malo do ia mangkatai taringot tu angka hayu dohot suan-suanan — sian sampinur Libanon lopus tu lumut-lumut na tubu di angka bire ni batu i. Mangkobari muse do ia taringot tu angka binatang-binatang, songon unggas, binatang na manjirir bope ihan.

³⁴Tarbege do tu sude angka raja na di tano on taringot tu hamaloon ni si Salomo jabat disuru halahi suruanna manopot ia laho umbege hatania.