Read Batak Angkola 1 JUJUR TAON 18 Bible Online

1 JUJUR TAON 18 - Batak Angkola bible

1 JUJUR TAON 18

¹Dung adong sanga sadia honok, kehe ma Raja Daud mangalo halak Pilistin jana ditaluhon ia ma halahi lalu dirampas ia ma kota Gat rap dohot huta na menek-menek na humaliang i.

²Ditaluhon si Daud muse ma halak Moab jana angkon manggarar pajak noma halahi tusia.

³Dung i diserang si Daud muse ma si Hadadeser raja ni Zoba di lambung ni Luat Hamat na di tano Siria. Di pardalananna do hatiha i si Hadadeser laho pabidangkon kuasonia di luat na di lambung ni soksok ni Batang aek Efrat.

⁴Dirampas si Daud 1.000 kareta porang jana ditangkup ia 7.000 halak tentara parkudo songon i 20.000 halak tentara pardalan pat sian pasukan ni si Hadadeser. Ditebahon ia deba kudo i baen di saratus kudo porangna jana na asing i dibaen ia ma margasa patna i.

⁵Di na ro tentara na dikirim ni halak Siria laho mangurupi Raja Hadadeser, dialo si Daud ma halahi jana dimatehon 22.000 halak.

⁶Dung i dipajongjong ia ma angka parbandaran ni militer di luat ni halahi i jana tunduk ma halahi boti manggarar pajak tusia. Sai dilehen TUHAN do hamonangan tu si Daud sanga na di dia pe ia marporang.

⁷Angka parince sere na nipake ni anak bua ni si Hadadeser, dirampas si Daud ma i jana dioban tu Jerusalem.

⁸Tamba ni i dioban ia dope bahat sajo tumbaga sian Tibhat dohot Kun, i ma angka kota na nikuasoi ni si Hadadeser di hatiha na salpu. (Di pudi ni ari, angka tumbaga i ma dipake si Salomo mambaen bak, angka tiang dohot panjamaan sipakeon maribadat di Bagas Ni Debata.)

⁹Tarbege ma tu Raja Tou sian Hamat na dung talu sude tentara ni si Hadadeser dibaen si Daud.

¹⁰Jadi disuruhon ia ma anaknia si Hadoram palaluhon tabe tu Raja Daud dohot hata horas-horas domu tu hamonangannia i, harana na dung honok do marmusu ia dohot si Hadadeser. Bahat do dioban si Hadoram sere, perak dohot tumbaga siluania di si Daud.

¹¹Sudena silua i dihaulkon Raja Daud do tu TUHAN anso adong pakeon di na maribadat. Laing songon i do dibaen ia dohot tu barang-barang sere dohot perak na nirampasnia sian angka bangso na nitaluhonnia i, i ma bangso Edom, Moab, Amon, Pilistin dohot Amalek.

¹²Di Rura na Ancim, talu do halak Edom dibaen si Abisai tubu ni na margoar si Zeruya. Dibunu si Abisai disi salapan bolas ribu halak Edom.

¹³Dipajongjong ia parbandaran ni militer di tano Edom sude, jadi gabe tunduk ma halak Edom tu Raja Daud. Sai monang do si Daud dibaen TUHAN sanga na di dia ia marporang.

¹⁴Songon i ma mamarenta si Daud di sude Israel jana dijagohon ia anso tigor dohot denggan dibaen tu rayatnia i.

¹⁵Angka on ma parpangkat na timbo na niangkat ni si Daud: Panglima ni na marsinjata — : — Si Joab angkang ni si Abisai Sekretaris bagas godang — : — Si Josafat anak ni si Ahilud Malim — : — Si Zadok anak ni si Ahitub dohot si Ahimelek anak ni si Abyatar Sekretaris negara — : — Si Sausa[19] Kapala pangawal ni raja — : — Si Benaya anak ni si Joyada Angka anak ni si Daud do maniop jabatan na penting di si Daud.