Read Batak Angkola 1 JUJUR TAON 2 Bible Online

1 JUJUR TAON 2 - Batak Angkola bible

1 JUJUR TAON 2

¹Dua bolas anak ni si Jakob: Si Ruben, si Simeon, si Levi, si Juda, si Isakar, si Zebulon,

²si Dan, si Josep, si Benyamin, si Naftali, si Gad, si Aser.

³Anak ni si Juda lima halak, sian dadaborunia na margoar si Batsua boru Kanaan tubu ma si Er, si Onan dohot si Sela; sian dadaborunia na margoar si Tamar i ma parumaennia sandiri, sorang ma si Peres dohot si Zerah. Na santak do jahatna anggo si Er anak siangkaan ni si Juda i, jadi gabe dibunu TUHAN do ia.

⁴

⁵Si Peres dua anaknia, i ma si Hesron dohot si Hamul.

⁶Si Zera adong lima anaknia: Si Zimri, si Etan, si Heman, si Kalkol dohot si Dara.

⁷Si Akhan[2] anak ni si Karmi pomparan ni si Zerah, patundania ma umbaen na gabe ro parmaraan tu halak Israel hara ni na nibuatnia barang na hona rampas di porang na gabe hapunjungan ni Debata aturanna.

⁸Anak ni si Etan, i ma si Asarya.

⁹Tolu anak ni si Hesron: Si Jerahmeel, si Ram, dohot si Kaleb.

¹⁰Parjojor ni tarombo mamungka sian si Ram lalu tu si Isai songon on ma: Ram Aminadab Nahason (sada halak na godang sian Marga Juda)

¹¹Salmon Boas

¹²Obed Isai.

¹³Pitu anak ni si Isai. On ma goar ni halahi sian siangkaan tu sianggian: Si Eliab, si Abinadab, si Simea,

¹⁴si Netaneel, si Radai,

¹⁵si Osem, si Daud.

¹⁶Laing adong muse do boru ni si Isai: Si Zeruya dohot si Abigail tolu do anak ni si Zeruya i ma si Abisai, si Joab dohot si Asael.

¹⁷Marbagas tu si Jetar pomparan ni si Ismael do si Abigail. Adong sada anak ni halahi i ma na margoar si Amasa.

¹⁸Anggo si Kaleb anak ni si Hesron, i ma na mambuat si Asuba jana adong do sada boru ni halahi margoar si Jeriot. Adong tolu anak ni si Jeriot, i ma si Jeser, si Sobab dohot si Ardon.

¹⁹Dung jumolo si Asuba, dibuat si Kaleb ma disia si Efrat jana adong ma anaknia na margoar si Hur.

²⁰Anak ni si Hur margoar si Uri jana pahompunia margoar si Besaleel.

²¹Di na marumur onom pulu taon si Hesron dibuat ia ma iboto ni si Gilead anak ni si Makir. Adong ma anak ni halahi na margoar si Segub,

²²jana adong ma anak ni si Segub na margoar si Jair, halak na mangarajai dua pulu tolu huta di Gilead.

²³Tapi ro ma harajaan Gesur dohot Aram manaluhon onom pulu huta na di luat i, dohot ma disi huta ni si Jair dohot si Kenat, bope angka huta na humaliangna. Sude halak na maringanan disi, hum pomparan ni si Makir amang ni si Gilead do.

²⁴Dung jumolo ni Hesron, kawin ma si Kaleb anaknia dohot si Efrat tinggal-tinggalan ni amangnia i. Anak ni halahi ma na margoar si Asur; i ma na mamungka pajongjongkon kota Tekoa.

²⁵Anak siangkaan ni si Hesron i ma na margoar si Jerahmeel adong do lima anakna: Siangkaan si Ram, dung i si Buna, si Oren, si Osem dohot si Ahia.

²⁶Tolu anak ni si Ram: Si Maas, si Jamin, dohot si Eker. Adong dope dadaboru ni si Jerahmeel na asing, si Atara goarna; adong do anak ni halahi na margoar si Onam.

²⁷

²⁸Dua anak ni si Onam: Si Samai dohot si Jada. Si Samai pe laing dua muse anaknia, i ma si Nadab dohot si Abisur.

²⁹Dibuat si Abisur ma si Abihail jana adong dua anak ni halahi: Si Akban dohot si Molid.

³⁰Si Nadab angkang ni si Abisur dua muse anakna na margoar si Seled dohot si Apaim, tapi mate punu do si Seled.

³¹Si Apaim amang ni si Jisei, si Jisei amang ni si Sesan jana si Sesan ma amang ni si Ahlai.

³²Si Jada anggi ni si Samai, dua anaknia margoar si Jetar dohot si Jonatan. Tapi mate punu do si Jetar.

³³Anggo si Jonatan adong do dua anaknia i ma si Pelet dohot si Zasa. Pomparan ni si Jerahmeel ma i sudena.

³⁴Anggo si Sesan nada adong anaknia, hum dadaboru do. Adong ma sada naposonia halak Mesir si Jarha goarna,

³⁵dipabagas ia ma i tu sada sian borunia i. Adong ma anak ni halahi na margoar si Atai.

³⁶Tarombona mamungka sian si Atai lalu tu si Elisama, songon on ma: Atai Natan Zabad

⁴²Si Kaleb anggi ni si Jerahmeel, halaklahi do anaknia siangkaan goarna si Mesa. Si Mesa ma amang ni si Zip, si Zip amang ni si Maresa, si Maresa amang ni si Hebron.

⁴³Si Hebron opat anaknia, si Korah, si Tapuah, si Rekem dohot si Sema.

⁴⁴Si Sema amang ni si Raham. Pahompu ni si Sema i ma na margoar si Jorkeam. Si Rekem anggi ni si Sema, i ma amang ni si Samai;

⁴⁵si Samai ma amang ni si Maon, jana si Maon amang ni si Bet-Zur.

⁴⁶Adong do rading ni si Kaleb, si Efa goarna. Adong do tolu anak ni halahi goarna, si Haran, si Mosa dohot si Gases. Si Haran pe laing si Goses do goar ni anaknia. (

⁴⁷Sada halak na margoar si Johdai, onom anaknia: Si Regem, si Jotam, si Gesan, si Pelet, si Efa, dohot si Saap.)

⁴⁸Laing adong dope rading ni si Kaleb na margoar si Maaka. Sian i adong do dua anaknia na margoar si Seber dohot si Tirhana;

⁴⁹dung i laing adong muse dope dua nari anak ni halahi, i ma na margoar si Saap dohot si Sewa. Si Saap ma na pajongjongkon kota Madmana, jana si Sewa pajongjongkon kota Makhbena dohot Gibea. Laing adong muse do sada boru ni si Kaleb na margoar si Aksa.

⁵⁰Laing pomparan ni si Kaleb muse dope na mangihut on: Si Hur, i ma anak siangkaan ni si Kaleb sian dadaborunia na margoar si Efrat. Si Sobal anak ni si Hur i ma na pajongjongkon Kiryat-Jearim.

⁵¹Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.

⁵²Si Sobal na mamungka kota Kiryat-Jearim, ia ma na umpompar halak Haroe, satonga halak na di Menuhot,

⁵³songon i dohot angka horong na maringanan di Kiryat-Jearim, i ma horong Jetri, Puti, Sumati dohot Misrai. (Halak na mangingani kota Zora dohot Estaol, na sian angka horong sinangkin ma asal ni i.)

⁵⁴Si Salma na mamungka kota Betlehem, ia ma na umpompar halak Netofa, halak Atarot-Bet-Joab dohot halak Zori, i ma sada sian na dua horong na maringanan di Manahti.

⁵⁵Di kota Jabes adong angka halak na malo manyurat dohot manyalin angka surat na mararga. Sian horong Tirati ma asal ni halahi, dohot sian Simati songon i sian horong Sukati. Halak Keni na kawin dohot halak Rekhab do halahi.