Read Batak Angkola 1 JUJUR TAON 27 Bible Online

1 JUJUR TAON 27 - Batak Angkola bible

1 JUJUR TAON 27

¹Anggo urusan salaho tu na mamarenta di harajaan Israel, angka kapala ripe dohot pamimpin ni marhorong-horong dohot angka na markarejo disi do mangatur i. Ganop taon margeler ma markarejo sabulan be ganop rombongan, na nipimpin ni kapalana be. Dua pulu opat ribu halak ma sarombongan. Angka on ma goar-goar ni kapala rombongan na markarejo ganop bulan: Bulan parjolo: Si Jasobam anak ni si Zabiel (sian horong ni si Peres do ia — Marga Juda). Bulan paduahon: Si Dodai, pomparan ni si Ahohi (si Miklot ma wakilna). Bulan patoluhon: Si Benaya anak ni Malim Joyada; pamimpin ni “Tridasawira” do ia. (Si Amisabad anaknia i do panggontinia.) Bulan paopatkon: Si Asael anggi ni si Joab (si Zebaya anaknia i do manggonti ia). Bulan palimahon: Si Samhut, pomparan ni si Jisrah. Bulan paonomkon: Si Ira anak ni si Ikesi sian kota Tekoa. Bulan papituhon: Si Heles pomparan ni si Efraim sian kota Peloni. Bulan pasalapankon: Si Sibkai na sian kota Husa (sian horong Zer(...)

¹⁶On ma angka kapala ni ganop marga di Israel: [MARGA] — [KAPALANA] Ruben — si Elieser anak ni si Zikri Simeon — si Sefaca anak ni si Maaka Levi — si Hasabia anak ni si Kemuel Harun — si Zadok Juda — si Elihu, sada sian angkang ni Raja Daud Isakar — si Omri anak ni si Mikael Zebulon — si Jismaya anak ni si Obaja Naftali — si Jerimot anak ni si Asriel Efraim — si Hosea anak ni si Asasia Manase Hasundutan — si Joel anak ni si Pedaya Manase Habincaran — si Jido anak ni si Zakaria Benyamin — si Jaasiel anak ni si Abner Dan — si Asareel anak ni si Jeroham

²³Nada dipadalan Raja Daud sensus anggo tu halak na marumur di toru ni dua pulu taon, harana madung dijanjihon TUHAN na giot baenonNia halak Israel sabahat ni bintang na di langit i.

²⁴Madung dipungka si Joab anak ni si Zeruya mandalankon sensus i, tapi nada dipasidung ia hara ni na niuhum ni Debata halak Israel patunda ni sensus i. Hara ni i ma umbaen na so tarsurat bahat ni bilangan ni halahi di Buku Ni Raja Daud.

²⁵Angka on ma halakna na mangurus sinadongan ni raja i: Angka gudang na di bagas godang: Si Asmawet anak ni si Adiel Angka gudang na di ruar ni bagas godang: Si Jonatan anak ni si Usia Angka parkarejo di ladang: Si Esri anak ni si Kelub Angka kobun anggur: Si Simei na sian Rama Angka panyimpanan ni anggur: Si Zabdi na sian Sifmi Bona ni zetun dohot hayu ara (na di pat ni dolok na sabola Hasundutan: si Baalhanan na sian Gederi) Inganan panyimpanan ni miak zetun: Si Joas Pahan-pahanan na di Padang Saron: Si Sitrai na sian Saron Pahan-pahanan na di rura-rura: Si Safat anak ni si Adlai Unto: Si Obil pomparan ni si Ismael Halode: Si Jehdeya na sian Meronot Biri-biri dohot hambeng: Si Jasia halak Hagri.

³²Anggo si Jonatan uda ni Raja Daud i, halak na dung marsikola do antong boti panuturi na malo. Tusia ma dohot tu si Jehiel anak ni si Hakmoni dipasahat tanggung jawab salaho tu na mangajari angka anak ni raja i.

³³Si Ahitofel pe panuturi ni raja do i jana si Husai halak Arki i, ale-ale ni raja i.

³⁴Dung mate si Ahitofel, digonti si Abyatar dohot si Joyada anak ni si Benaya ma ia. Anggo panglima ni tentara di harajaan i, i ma si Joab.