Read Batak Angkola 1 JUJUR TAON 7 Bible Online

1 JUJUR TAON 7 - Batak Angkola bible

1 JUJUR TAON 7

¹Adong do opat anak ni si Isakar: Si Tola, si Pua, si Jasub dohot si Simron.

²Si Tola onom anaknia: Si Usi, si Refaya, si Jeriel, si Jahmai, si Jibsam dohot si Samuel. Halahi ma kapala ripe ni horong ni si Tola jana tarbarita do halahi songon parajurit na barani. Di hatiha ni Raja Daud, madung adong 22.600 halak bahat ni halahi.

³Si Usi adong do anaknia sada si Jisrahya goarna. Pamimpin ni horongna do si Jisrahya dohot anaknia na opat i; i ma si Mikael, si Obaja, si Joel dohot si Jisia.

⁴Hara ni bahat ni dadaboru na nibuat ni halahi songon i dohot angka dakdanak ni halahi jabat do tarpasingkop pomparan ni halahi pola 36.000 halaklahi sipamasuhon baen tentara.

⁵Mangihutkon daftar na rasmi, sian sandok ripe sian Marga Isakar dapot ma 87.000 halaklahi na laho masuk tentara.

⁶Tolu anak ni si Benyamin: Si Bela, si Beker dohot si Jediae.

⁷Si Bela lima anaknia: Si Esbon, si Usi, si Usiel, si Jerimot dohot si Iri. Halahi ma na gabe kapala ripe di horong ni halahi jana na tarbarita songon angka parajurit na barani. Di pomparan ni halahi adong do 22.034 halaklahi na tarbaen masuk tu dinas ni tentara.

⁸Si Beker sambilan anaknia halaklahi: Si Zemira, si Joas, si Elieser, si Elyoenai, si Omri, si Jeremot, si Abia, si Anatot dohot si Alemet.

⁹Mangihutkon daftar na rasmi, sian sude ripe na masuk tu pomparan ni halahi adong do 20.200 bahat ni halaklahi na tarbaen gabe tentara.

¹⁰Sada do anak ni si Jediael i ma na margoar si Bilhan. Si Bilhan adong do pitu anaknia, i ma si Jeusi, si Benyamin, si Ehud, si Kenaana, si Zetan, si Tarsis dohot si Ahisahar.

¹¹Halahi ma kapala ripe di horong ni halahi jana na tarbarita do halahi gabe angka parajurit na barani. Sian pomparan ni halahi adong do 17.200 bahat ni halaklahi na tarbaen gabe tentara.

¹²Si Supim dohot si Hupim, i ma pomparan ni si Ir; Si Husim, pomparan ni si Aher.

¹³Adong do opat anak ni si Naftali: Si Jahliel, si Guni, si Jeser dohot si Salum. Pomparan ni si Bilha[5] do halahi.

¹⁴Adong do dua anak ni si Manase sian radingnia boru Aram i, i ma si Asriel dohot si Makir, anak ni si Makir i ma si Gilead.

¹⁵Dijalahi si Makir ma boru di si Hupim dohot si Supim. Goar ni ibotona i ma Maaka. Anak ni si Makir na paduahon, i ma si Zelafehad. Nada adong anggo anak ni si Zelafehad, hum boru do.

¹⁶Ditubuhon si Maaka na nibuat ni si Makir i do dua anak na margoar si Peres dohot si Seres; dua anak ni si Peres margoar si Ulam dohot si Rekem.

¹⁷Si Ulam adong sada anaknia, si Bedan goarna. I ma pomparan ni si Gilead anak ni si Makir pahompu ni si Manase.

¹⁸Iboto ni si Gilead na margoar si Molekit, adong do tolu anakna: Si Isihod, si Abieser dohot si Maaka.

¹⁹Si Semida adong do opat anaknia: Si Ahian, si Sekem, si Liki dohot Aniam.

²⁰Tolu anak ni si Efraim: Si Sutelah, si Eser dohot si Elad. Songon on ma parjojorna tarombo ni si Efraim: Sutelah, Bered, Tahat, Elada, Tahat, Zabad, Sutelah.

²¹Si Eser dohot si Elad anak ni si Efraim hona bunu do di na laho mambuat pahan-pahanan ni halak na mangingani Luat Gat hian.

²²Gabe marsiluluton ma amang ni halahi i sanga na piga-piga ari jabat do marroan angka kahanggina mangapoi ia.

²³Dung salpu i, didongani ma modom mangulahi na nibuatna i gabe denggan ma pamatangna jana sorang ma sada anakna, dibaen halahi ma goarna si Beria,[6] hara ni na mamolus siluluton halahi sabagas di hatiha i.

²⁴Adong do sada boru ni si Efraim, goarna si Seera. Ia ma mamungka kota Bet-Horon Lombang dohot Bet-Horon Dolok dohot kota Usa songon i muse Seera.

²⁵Adong dope sada nari anak ni si Efraim si Refah goarna. On ma parjojorna pomparan ni si Refah: Si Resep, si Telakh, si Tahan,

²⁶si Ladan, si Amihud, si Elisama,

²⁷si Nun, si Josua.

²⁸Luat na dilehen gabe inganan ni halahi, i ma sian Betel lalu tu Naaran di Habincaran, dohot Geser di Hasundutan dohot angka huta pagaran na adong humaliang angka kota i. Masuk tu luat i muse ma Sikem dohot Aya, songon i angka huta pagaran na humaliang i.

²⁹Dikuasoi pomparan ni si Manase do angka kota Bet-Sean, Taanak, Megido, Dor dohot angka huta pagaran na humaliang i. I ma sudena luat na niinganan ni pomparan ni si Josep anak ni si Jakob i.

³⁰Pomparan ni si Aser noma sipajojoron saonnari. Adong opat anaknia: Si Jimna, si Jiswa, si Jiswi, si Beria dohot sada borunia na margoar si Serah.

³¹Adong dua anak ni si Beria; i ma si Heber dohot si Malkiel na mamungka kota Birsait.

³²Si Heber tolu anaknia: Si Jaflet, si Somer, si Hotam dohot borunia sada na margoar si Sua.

³³Si Jaflet pe laing tolu muse do anaknia: Si Pasak, si Bimhab dohot si Aswat.

³⁴Si Somer anggi ni si Jaflet i, adong do opat anakna: Si Ahi, si Rohga, si Jehuba dohot si Aram.

³⁵Si Hotam anggi ni si Jaflet na sada nari i, adong do opat anakna: Si Zofah, si Jimna, si Seles dohot si Amal.

³⁶Pomparan ni si Zofa, i ma si Suah, si Harnefer, si Sual, si Beri, si Jimra,

³⁷si Beser, si Hod, si Sama, si Silsa, si Jitran dohot si Beera.

³⁸Pomparan ni si Jeter, i ma si Jefunne, si Pispa dohot si Ara.

³⁹Pomparan ni si Ula, i ma si Arah, si Haniel dohot si Risia.

⁴⁰I ma pomparan ni si Aser. Kapala ni ripe do halahi sudena jana na tarbarita gabe angka pahlawan na barani jana pamimpin na tarbonggal. Sian pomparan ni si Aser adong do 26.000 bahatna halaklahi na tarbaen masuk dinas tentara.