Read Batak Angkola NEHEMIA 10 Bible Online

NEHEMIA 10 - Batak Angkola bible

NEHEMIA 10

¹Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

²Angka malim: Si Seraya, si Asarya, si Jeremia, si Pasur, si Amarya, si Malkia, si Hatus, si Sebanya, si Maluk, si Harim, si Meremot, si Obaja, si Daniel, si Gineton, si Baruk, si Mesulam, si Abia, si Miyamin, si Maaseya, si Bilgai, dohot si Semaya.

⁹Angka halak Levi: Si Jesua anak ni si Asanya, si Binui pomparan ni horong Henadad, si Kadmiel, si Sebanya, si Hodia, si Kelita, si Pelaya, si Hanan, si Mika, si Rehod, si Hasabya, si Zakur, si Serebya, si Sebanya, si Hodia, si Bani dohot si Beninu.

¹⁴Angka pamimpin ni bangso i: Si Paros, si Pahatmoab, si Elam, si Satu, si Bani, si Buni, si Asgad, si Bebai, si Adonia, si Bigwai, si Adin, si Ater, si Hiskia, si Asur, si Hodia, si Hasum, si Besai, si Harip, si Anatot, si Nebai, si Magpias, si Mesulam, si Hesir, si Mesesabeel, si Zadok, si Jadua, si Pelaca, si Hanan, si Anaya, si Hosea, si Hananya, si Hasub, si Halohes, si Pilha, si Sobek, si Rehum, si Hasabna, si Maaseya, si Ahia, si Hanan, si Anan, si Maluk, si Harim, dohot si Baana.

²⁸Hami rayat ni Israel, angka malim, angka halak Levi, angka panjago horbangan ni Bagas Ni TUHAN, angka parmusik dohot angka parkarejo di Bagas Ni TUHAN, maradu dadaboru dohot angka dakdanaknami na dung impas godang mangastui dohot sude halak na marpangoloion tu Uhum Ni Debata jana na dung manyirang dirina sian halak na asing na maringanan di luat on.

²⁹Hami sude pasadahon dirinami dohot angka pamimpinnami jana hami sumpahon anso mangolu hami mangihutkon Uhum Ni Debata na nilehenna i marhite si Musa, naposoNa i. Sai diburai Debata ma hami muda nada hami patulus parjanjian on. Hami sumpahon ma na giot oloannami sandok parenta, uhum dohot paraturan ni TUHAN, Debatanami.

³⁰Hami sumpahon, na so marsibuatan boru hami dohot angka bangso na asing na maringanan di luatnami.

³¹Muda adong bangso na asing na giot manggadis gandum sanga na barang aha pe tu hami di Ari Sabat sanga di ari na badia na asing i, nada giot tobusonnami i. Ganop di taon papituhon, nada giot karejohononnami ladang jana nada tungguonnami utang.

³²Ganop taon sumbangkononnami ma perak lima gram baen parbalanjoan di Bagas Ni TUHAN.

³³Paradeonnami ma angka haporluan ibadat di Bagas Ni TUHAN, i ma: Roti na badia, haul gandum siganop ari, pahan-pahanan baen haul hasesaan ni dosa ni Israel dohot sude sanga aha na porlu di Bagas Ni TUHAN.

³⁴Hami, rayat, angka malim, dohot angka halak Levi, baenonnami ma undi ganop taon laho manontuhon sanga na horong dia na angkon paradehon soban tu angka haul sihaulkonon tu TUHAN Debatanami mangihutkon paraturan ni Uhum.

³⁵Ganop taon obanonnami ma tu Bagas Ni TUHAN patumonaan ni suha ni gandum dohot parbatu na parjolo malamun sian suan-suanannami.

³⁶Obanonnami ma anaknami siangkaan tu angka malim di Bagas Ni TUHAN laho pasahatkonsa tu Debata, songon na diaturkon ni Uhum. Laing pasahatonnami ma anak ni lombu, anak ni biri-biri sanga anak ni hambengnami na parjolo sorang.

³⁷Obanonnami ma tu angka malim di Bagas Ni TUHAN adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

³⁸Tapi angkon donganan ni malim na sian pomparan ni si Harun do angka halak Levi i muda palagutkon angka haul i halahi. Jana angkon obanon ni angka halak Levi i do saparsampulu ni sude haul i tu angka kamar talobat na di Bagas Ni TUHAN.

³⁹Angkon obanon ni rayat ni Israel dohot angka halak Levi do sumbangan na hot marrumang gandum, anggur dohot miak zetun tu angka kamar simpanan ni angka panjamaan ni Bagas Ni TUHAN. Disi muse do inganan ni angka malim na topet markarejo, angka panjago horbangan ni Bagas Ni TUHAN dohot angka parende. Nada lalap hami laho manghobasi Bagas Ni Tuhannami.