Read Batak Angkola NEHEMIA 7 Bible Online

NEHEMIA 7 - Batak Angkola bible

NEHEMIA 7

¹Dung sidung tembok i dibangun, husuru ma anso dipasang angka pintuna i. Jadi husuru ma angka panjago pintu horbangan, angka parende dohot angka halak Levi marsikarejohon karejona be.

²Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

³Hudok ma tu halahi, “Anggo Pintu Horbangan ni Jerusalem angkon jolo torang do ari anso tola bukaon jana angkon tutupon jana dipalang painte so abis karejo ni panjago andospotang. Tamba ni i, angkon ditodo do piket ni panjago sian tonga-tonga ni halak Jerusalem, deba ma i di angka pos manjago jana na deba nari ma i mangaronda di humaliang ni bagas ni halahi.”

⁴Bidang do kota Jerusalem, tapi hum saotik do anggo halak na manginganisa, jana bagas pe nada sadia dope dibangun.

⁵Jadi diparrohai Debata ma au laho palagutkon rayat i dohot angka pamimpin maradu hatobangonna anso bolas etongonku halahi hombar tu buku tarombo ni halahi be. Na dung jolo dapot au do di hatiha i suratna taringot tu angka halak na parjolo mulak sian habuangan. Songon on ma hatorangan na dapot au sian catatan i:

⁶Bahat sian halak buangan na manadingkon propinsi Babel jana mulak tu Jerusalem dohot Juda marsitopot kotana sandiri. Madung honok do angka kahanggi ni halahi mangolu di habuangan na di Babel, mamungka ma i sian na hona oban halahi dibaen si Nebukadnesar gabe tabanan.

⁷Angka pamimpin ni halahi, i ma si Zerubabel, si Jesua, si Nehemia, si Asarya, si Raamya, si Nahamani, si Mordehai, si Bilsan, si Misperet, si Bigwai, si Nehum, dohot si Baana.

⁸On ma horong ni Israel, dohot bahat ni halakna sian ganop horong na mulak sian habuangan: Paros — — — 2.172 Sefaca — — — 372 Arah — — — 652 Pahatmoab (pomparan ni si Jesua dohot si Joab) — — — 2.818 Elam — — — 1.254 Zatu — — — 845 Zakai — — — 760 Binui — — — 648 Bebai — — — 628 Asgad — — — 2.322 Adonikam — — — 667 Bigwai — — — 2.067 Adin — — — 655 Ater (na margoar muse si Hiskia) — — — 98 Hasum — — — 328 Besai — — — 324 Harip — — — 112 Gibeon — — — 95

²⁶Angka halak na marbona bulu di angka kota na dipajojor dison dohot do mulak sian habuangan: Kota Betlehem dohot Netofa — — — 188 Anatot — — — 128 Bet-Asmawet — — — 42 Kiryat-Jearim, Kefira dohot Beerot — — — 743 Rama dohot Gaba — — — 621 Mikmas — — — 122 Betel dohot Ai — — — 123 Nebo na asing — — — 52 Elam na asing — — — 1.254 Harim — — — 320 Jeriko — — — 345 Lod, Hadid dohot Ono — — — 721 Senaa — — — 3.930

³⁹On ma daftar ni horong ni angka malim na mulak sian habuangan: Jedaya (pomparan ni si Jesua) — — — 973 Imer — — — 1.052 Pasur — — — 1.247 Harim — — — 1.017

⁴³Angka horong Levi na mulak sian habuangan, i ma: Jesua dohot Kadmiel (pomparan ni si Hodewa) — — — 74 Angka parmusik na Si Bagas Ni(pomparan ni si Asap) — — — 148 Panjago horbangan di Bagas Ni(pomparan ni si Salum, Ater, Talmon, Akub, Hatita dohot Sobai) — — — 138

⁴⁶On ma daftar ni ripe sian horong ni angka parkarejo di Bagas Ni TUHAN na mulak sian habuangan: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Resin, Nekoda, Gasam, Usa, Paseah, Besai, Meunim, Nefusim, Bakbuk, Hakufa, Harhur, Baslit, Mehida, Harsa, Barkos, Sisera, Temah, Nesiah dohot Hatifa.

⁵⁷Angka ripe sian pangoloi ni si Salomo na mulak sian habuangan: Sotai, Soferet, Perida, Jaala, Darkon, Gidel, Sefaca, Hatil, Pokeret, Hasabaim, Amon.

⁶⁰Sude pomparan ni angka parkarejo di Bagas Ni TUHAN dohot angka pangoloi ni si Salomo na mulak sian habuangan pungu 392 halak.

⁶¹Adong do 642 halak bahatna sian angka halak na kehe sian kota Telmelah, Telharsa, Kerub, Adon dohot Imer, masuk ma disi horong ni si Delaya, si Tobia dohot si Nekoda; tapi nada tarbuktihon halahi paboa na tutu halahi pomparan ni bangso Israel.

⁶³Laing adong muse do sanga na piga-piga ripe sian horong ni malim na so dapotsa be catatan salaho tu ompu ni halahi. I ma angka horong ni si Habaya, si Hakos dohot si Barsilai (sada ompu sian horong ni Malim Barsilai on mambuat boru sian pomparan ni horong Barsilai na di Gilead jana di pudi dipake ia ma goar ni marga ni tulangna i). Dibaen nada tarbuktihon ia sanga ise ompu na umpompar halahi, jadi gabe nada dijagit be halahi gabe malim.

⁶⁵Dilarang gubernur ni Juda ma halahi mangankon sipanganon na dihaulkon tu Debata, lopus adong sada malim na malo mangido panogu-noguon marhite na mamake Urim dohot Tumim.

⁶⁶Angka halak buangan na mulak tu tanona i pungu ma sude bahatna 42.360 halak. Tamba ni i mulak muse dope 7.337 halak hatoban dadaboru dohot halaklahi dohot parende 245 halak bahatna. Laing diparobani halahi muse do angka pahan-pahanan ni halahi, i ma: Kudo — — — 736 Bagal — — — 245 Unto — — — 435 Halode — — — 6.720

⁷⁰Bahat do sian rayat i na mangalehen sumbangan laho panayangkon biaya ni na padenggankon Bagas Ni TUHAN i: Sian gubernur: — — — 8 kilogram sere 50 mangkuk upacara 530 juba ni malim Sian angka kapala ni horong: — — — 168 kilogram sere 1.250 kilogram perak Sian halak na asing-asing: — — — 168 kilogram sere 140 kilogram perak 67 juba ni malim.

⁷³Hot ma maringanan di angka kota dohot angka huta na di Juda, i ma angka malim, angka halak Levi, angka panjago horbangan ni Bagas Ni TUHAN, angka parende, sian angka rayat na somal, angka parkarejo di Bagas Ni TUHAN.