Read Batak Angkola JOB 18 Bible Online

JOB 18 - Batak Angkola bible

JOB 18

¹“O ale Job, andigan pe mantak ho matubekbek? Pahohom ma jolo giot mandok hata hami jolo.

³Biasi dietong ho hami na oto, jana dipatudos ho hami tu binatang?

⁴Hum na mamparhanciti dirimu do hamumurukmi. Angkon mago ma he pangisi ni portibi hara ni ho dipasari-sari, jana angka dolok pindahonon sian ingananna i?

⁵Musti paintopon do lampu ni parjahat; apina i indangkon nipangolu be jabat.

⁶Gabe mur meldep ma sinondang di bandarna; nada marsinondang be api di ginjangna.

⁷Pangalangkana na tongam gabe marambalan; rangrangan ni rohana sandiri mambaen ia martungkapan.

⁸Mardalan do ia mandapotkon jaring, gabe taralit patna i.

⁹Hona tirangkap patna i, gabe tartangkup ma ia disi.

¹⁰Buni di tano i, tali ni jaring; di dalan i taon sambil dohot jorgong.

¹¹Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

¹²Najolo na margogo ia, hape saonnari malean butuhana; matua mardongan mara do ia sapanjangna.

¹³Pamatangna i sap nyae na pasangna; tangan bo patna maradu busuk sap marnana.

¹⁴Disarat ia sian bandarna, inganannia nian marsonang, lalu direkrek laho mangadopi hamatean.

¹⁵Saonnari tola ma maringanan di undung-undungnia i humani, jana disi ma direrak barerang, laho paago nyaena i.[5]

¹⁶Sai songon urat na gariang sian toru; jana markarengkut dangkana sian ginjang.

¹⁷Nada adong be na manandasa di kota dohot di balian; umpe sahalak be na marningot di goarna.

¹⁸Sian na torang hona usir ia tu na golap; sian tano ni halak na mangolu hona ayak.

¹⁹Anak soada, pomparan pe so bagi aha be; di hutana sandiri pe kahanggi nada adong be.

²⁰Umbege bagianna tarsonggot do halak Parhasundutan, songon i Parhabincaran gabe humitir hara ni biarna.

²¹Songon i ma da bagian ni halak na durako, na so parduli be tu Debata.”