Read Batak Angkola JOB 23 Bible Online

JOB 23 - Batak Angkola bible

JOB 23

¹“Sai giot mangarunta do au jana humolos salaho tu Debata; nada tartaon au holso ni roha.

³Sugari huboto ma antong inganan parmiananNia, anso tarbaen au kehe tusi marsuo jolo dohot Ia.

⁴TuSia noma parkarongkon hupajojor, anso dipaboa pamangankon angka hata pangampunan i totor.

⁵Huboto humani do sanga aha na giot dokkononNia, dohot sanga songon dia pandokna di alusNia.

⁶PadalanonNia ma lakna tu iba kuasoNia? Nada i! TangihononNia do da i angka hataniba.

⁷Nada au marsala jana tarbela au do diringku di joloNia, lalu dokkononNia ma anso malua iba salolot-lolotna.

⁸Hujalahi do Debata di Habincaran, Hasundutan, Selatan, Utara, hape nada adong tarida Debata sanga na di dia; lalu do laing so padumpang au dohot Ia.

¹⁰Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

¹¹Burju do au tuSia jana setia; na so jungada do au manyimbil sian dalan na nitontuhonNia.

¹²Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

¹³Nada muba-uba anggo Debata; nada adong tarbaen mangalo Ia. Dipatulus Ia do sanga aha giot ni rohaNia.

¹⁴PadalanonNia do sangkapNia salaho tu iba, jana bahat dope tahi ni rohaNia asing ni na tu au.

¹⁵Hara ni biarku mida Ia, gabe humitir do iba; mur sude hupikiri mur mabiar ma au.

¹⁶Ma abis diluntak Na Markuaso i sude habaranionku. Mabiar do au hara ni Debata, jana nada i hara ni na golap bulita, haru pe hagolapan manghuliangi au jana manggupgupi bohingku.