Read Batak Angkola JOB 35 Bible Online

JOB 35 - Batak Angkola bible

JOB 35

¹Job, ampal do i muda didok rohamu na so marsala ho di jolo ni Debata.

³Silap do ho i muda marsapa ho, sanga aha na ro tuSia hara ni dosamu; jana sanga aha muse untungna diSia muda nada mardosa ho.

⁴Au pe mangalehen alusna tu ho songon i muse tu angka ale-alemi.

⁵Tatap ma jolo tu langit jana parrohahon sanga songon dia timbo ni angka ombun.

⁶Muda mardosa ho, nada rugi Debata. Muda bahat salamu, nada i tarpaimbar rohaNia.

⁷Dibaen ho pe na denggan, nada jabat tarurup Debata. Tutu do i, nada bagi aha sian ho na porlu diSia.

⁸Hum donganmu jolma do i na rugi hara ni dosamu. Jana halahi muse do na maruntung patunda ni hadenggananmu.

⁹Angka jolma na hona pisat, mangangguk godang; marsurak ma halahi mangido nitolongan.

¹⁰Tapi nada tu Debata na manompasa na mangalehen arop ni roha di na ro hasusaannia.

¹¹Dilehen Debata do bisuk tu jolma i lobi sian unggas dohot binatang na adong di portibi.

¹²Pio-pio ma angka na tarpisat i, hape mangkohom Debata, patunda ni jahat ni halahi dohot gok ni ginjang ni rohana.

¹³Nada marguna halahi marsuraki sagogo-gogona; Debata Na Markuaso i nada marnida sanga umbegesa.

¹⁴Mur ma muda didok ho, ale Job na so tarida Ia di ho, na dung lalu parkaromu tu joloNa jana tarpainte-inte ma ho diSia!

¹⁵Diambang ho do na so ra manguhumi Debata jana nada dipardulihon Ia pangalaosion lakna.

¹⁶Nada adong be da gunana pupuonmu hatami; torang do na so diboto ho sanga aha na nidokmi.