Read Batak Angkola MASMUR 108 Bible Online

MASMUR 108 - Batak Angkola bible

MASMUR 108

¹Ende. Masmur ni si Daud. Hot do au porsaya, i ma tutu ale Debata, hot do au porsaya; giot marende do au jana mamuji-muji Ho.

²Ngot ma ho, ale tondingku ngot ma, ale gambus dohot hasapi sunggulanku ma mataniari.

³O TUHAN, giot mandok tarimakasi do au tu Ho di tonga-tonga ni angka bangso. Por rohangku mangendehon puji-pujian di Ho di tonga-tonga ni jolma manusia.

⁴Angke lopus tu langit do holong ni rohaMu na godang i, jana habonaranMu lalu tu awang-awang.

⁵Ale Debata, patuduhon ma hagodanganMu di langit, dohot hamuliaanMu mangalobii sandok tano.

⁶Marhite kuasoMu, palua ma hami, tangihon ma tangiangku palua ma halak na nihaholonganMi.

⁷Sian ingananNa na badia i Debata mandok, “Sian sonang ni roha tano Sikem Hubagi-bagi, Hubagihon Rura Sukot tu bangsongKi.

⁸Au do nampuna Gilead dohot Manase, Efraim ma tumpalKu jana Juda tungkot harajaonKu muse.

⁹Tapi anggo Moab inganan ni pamasuan ni patKu; marsurak hamonangan Au hara ni Pilistea; tu Edom Hudanggurkon sipatungKu, tanda ni Au nampunasa.”

¹⁰Ise do na giot maroban au tu Edom? Ise do na giot manogu au tu kota na marbenteng i?

¹¹Na so dohot do Ho ale Debata rap dohot hami? Na so dohot do Ho maju rap dohot hami?

¹²Urupi ma hami maradopkon alonami, angke nada marguna anggo sian jolma pangurupi.

¹³Tapi rap dohot Ho, ale Debata, barani situtu do hami; Ho do na manaluhon musunami.