Read Batak Angkola MASMUR 111 Bible Online

MASMUR 111 - Batak Angkola bible

MASMUR 111

¹Puji ma TUHAN! Sian sandok rohangku, sai mandok tarimakasi do au tu TUHAN di tonga-tonga ni parpunguan ni bangsoNa.

²Na godang ma antong pambaenan ni TUHAN, disihiri sude halak na manghagiotisa.

³Na tongam jana tarpuji do sude karejo ni Tuhan, hot do hatigoranNa sapanjang.

⁴Gabe parningotan do dibaen Ia angka tanda hahomangan na nibaenNia; paribo jana parholong roha do TUHAN i.

⁵Dilehen Ia rasoki di halak na burju marugamo, jana na sai marningot di janjiNia.

⁶Madung dipatuduhon Ia kuasoNia tu bangsoNa, di na nilehenNia tano pusako ni angka bangso.

⁷Tigor jana bonar do Tuhan di sasude na nibaenNia, tarpangasahon do sude parentaNia.

⁸Hot do sapanjangna uhumNia, dipasahat di bagasan hasintongan dohot hatigoran.

⁹Dipalua Tuhan na badia jana na marsahala i bangsoNa, jana dibaen Ia parjanjian na hot dohot halahi sudena.

¹⁰Biar mida TUHAN, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!