Read Batak Angkola MASMUR 12 Bible Online

MASMUR 12 - Batak Angkola bible

MASMUR 12

¹Tu na manguluhon kor. Mangihutkon sora pasalapankon. Masmur ni si Daud. Tolong ma, ale TUHAN, angke nada adong be halak na marhabiaran, halak na burju mangoloi Ho maol niluluan.

²Sude do halahi, marsigabusan, manipu dohot angka hata na tabo tu parbinegean.

³Antak ma hata ni pangalancap, ale TUHAN, pahohom ma parpamangan na bidang.

⁴Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

⁵Didok TUHAN, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

⁶Togu do janji ni TUHAN jana tarpangasahon, songon sere na polin na diuji di bagasan api.

⁷Sun tu dia halak na jahat mardalani, parohon mara tu sude jolma i. Tapi ale TUHAN, Ho ma mangondingi, anso sonang hami sian hajungkatan ni halahi.