Read Batak Angkola MASMUR 124 Bible Online

MASMUR 124 - Batak Angkola bible

MASMUR 124

¹Ende ni si Daud manopot Bagas Ni Tuhan. Bia do sugari nada mamihak tu hita TUHAN? Hamu halak Israel, alusi hamu ma songon on:

²“Muda nada mamihak TUHAN tu hita di na diserang ni musu hita,

³madung hona bondut hian hita mangolu-olu, hara ni muruk ni roha ni halahi mida hita.

⁴Pasti diayupkon aek magodang hian hita, jana dibonom aek.

⁵Ujungna mate mogap hian ma hita di husor ni aek na jorbut i.”

⁶Tole ma tadok tarimakasi tu TUHAN, angke antong nada dipadiar Ia hita dibondut musu.

⁷Songon unggas na malua sian sambil ni parburu, magotap sambil i, gabe malua hita!

⁸Sian TUHAN do ro pangurupi di hita sian Sitompa langit dohot tano on.