Read Batak Angkola MASMUR 129 Bible Online

MASMUR 129 - Batak Angkola bible

MASMUR 129

¹Ende manopot Bagas Ni Tuhan. Pajojor ma ale Israel, hancit ni na nitaonmu, na dibaen ni musu mamungka sian haposoonmu.

²“Sian haposoonku, diparhanciti musu do au, tapi nada tartaluhon halahi au,

³margasai tanggurungku dibaen halahi, songon ladang na nipangkur dibaen halahi.

⁴Tapi tigor do TUHAN, dipalua Ia do au sian angka parjahat.”

⁵Padiar ma angka na magigi mida Sion talu jana sumurut.

⁶Padiar ma songon duhut na di ginjang tarup halahi na mahiang dompak so martumbur;

⁷nada adong na palagutkonsa sanga mangkobetsa marsasarahutan.

⁸Nada pola dokkonon ni halak pamolus, “Sai dipasupasu TUHAN ma nian ho, mangasahon goar ni TUHAN hami pasupasu ma ho.”