Read Batak Angkola MASMUR 140 Bible Online

MASMUR 140 - Batak Angkola bible

MASMUR 140

¹Tu na manguluhon ende. Masmur ni si Daud. Palua ma au ale TUHAN, sian halak parjahat, jana salpuhon ma au sian halak na sai mangasahon gogo.

²Sai na mambaen sangkap hajahatan do halahi dibagasan rohana jana ganop ari pabira-birahon parbadaan.

³Songon ulok na marbisa do dila ni halahi songon rasun ni ulok sonduk angka hata ni halahi.

⁴Ondingi ma au, ale TUHAN, sian kuaso ni halak na jahat, jagohon ma au sian halak na sai mangasahon hagogoan, na sai giot mangago au.

⁵Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

⁶Ale TUHAN, huoku do Ho Debatangku; parrohahon ale TUHAN, tangiang pangidoanku.

⁷Ho do DEBATA, Tuhanku, sipaluangku na gogo, na dung mangondingi au di bagasan parporangan.

⁸Ale TUHAN, ulang ma patulus giot ni siparjahat, ulang padiar manjadi sangkap ni halahi.

⁹Ulang padiar monang musungki, padiar ma angka hata ni halahi na jahat i mandondoni halahi.

¹⁰Padiar ma durus banggar ni api tu halahi jana dijulungkon tu lubang lopus nada tarbaensa ruar sian i.

¹¹Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

¹²O TUHAN, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

¹³Sai na pujion ni na tigor roha i do Ho, sainganan ma halahi rap dohot Ho.