Read Batak Angkola MASMUR 142 Bible Online

MASMUR 142 - Batak Angkola bible

MASMUR 142

¹Ende pangajaran sian si Daud, dompak di bagasan liang ia. Pio-pio do au tu TUHAN, tuSia do au mangido partolongan.

²Humolos ma au tu joloNia hupatorang sude angka hasusaanku tuSia.

³Di hatiha mandele rohangku diboto Ho do sanga aha noma na angkon baenonku. Di dalan na angkon sibolusonki ditaon musu i do jorat di na buni maradopkon au.

⁴Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

⁵Ale TUHAN, pio-pio au, urupi ma au, Ho do ale TUHAN, pangondingingku. Hum Ho sajo do sasudena na huporluhon di bagasan ngolungku di tano on.

⁶Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.

⁷Palua ma au sian hurungan, anso tarbaen au dohot mamuji goarMu, muda hatiha rap marlagut bangsoMu, angke denggan do na nibaenMu tu au.