Read Batak Angkola MASMUR 149 Bible Online

MASMUR 149 - Batak Angkola bible

MASMUR 149

¹Puji ma TUHAN! Endehon ma ende na imbaru di TUHAN, puji ma Ia di tonga-tonga ni parluhutan ni bangsoNia!

²Marjop ni roha ma ho ale Israel hara ni na manompa ho; marmoga-moga ma ale halak Sion hara ni Rajamu.

³Puji ma goarNa markite-hite angka tortor, puji hamu ma Ia mardongan hasapi dohot gondang!

⁴Jop do roha ni TUHAN di bangsoNia, halak na toruk marroha dilehen Ia hamonangan.

⁵Marjop ni roha ma da bangso ni Debata hara ni na monang, jana marende marmoga-moga sasaborngin.

⁶Dipuji halahi ma da Debata, lalu maniop podang na tajom

⁷laho manaluhon angka bangso, jana manguhumisa;

⁸laho mangihoti angka raja-raja, dohot mangarante angka parkuasona;

⁹laho manguhumi angka bangso hara ni parenta ni Debata. I ma hamonangan ni bangso ni Debata. Puji ma TUHAN!