Read Batak Angkola MASMUR 15 Bible Online

MASMUR 15 - Batak Angkola bible

MASMUR 15

¹Masmur ni si Daud. TUHAN, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

²Halak na so targora di ngoluna, na sai tongtong marpangalaho na tigor jana hatana pe sai bulus;

³na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

⁴na mandao sian halak na hona bura tapi pasangap halak na burju tu TUHAN; na patulus janjina, haru pe marharugian,

⁵jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.