Read Batak Angkola MASMUR 2 Bible Online

MASMUR 2 - Batak Angkola bible

MASMUR 2

¹Biasi sai mangalo angka bangso, jana mambaen angka sangkap na so marguna angka rayat?

²Angka parkuaso pe rap burangkit mangalo TUHAN dohot raja na nipiliNia.

³Didok angka na markuaso i do, “Beta, hita tunggalingkon ma halahi sian harajaanna.”

⁴Hape dipartatai Debata na marhabangsa di banua ginjang do i jana dipalayas sangkap ni halahi.

⁵Mardongan muruk digorahon Debata halahi, mardongan pangamukNa digaori Ia halahi.

⁶Ning Ia ma, “Di Sion,[1] dolokKu na badia i madung Hupabangkit raja na Hupili i.”

⁷Didok TUHAN i, “Hupabotohon pe sanga aha na nitotopkon ni TUHAN. Ning Ia do tu au, ‘AnakKu do ho, sadari on ma Au gabe Amangmu.

⁸Pangido ma, gabe sandok bangso ma lehenonKu, lopus sude portibi on gabe nampunamu.

⁹Mardongan tungkot bosi tipulkononmu halahi songon hudon tano ropukonmu halahi.’ ”

¹⁰Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

¹¹Haburjuhon hamu ma mamuji TUHAN paunduk hamu ma marsomba di joloNa jana humitir.

¹²Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!