Read Batak Angkola MASMUR 23 Bible Online

MASMUR 23 - Batak Angkola bible

MASMUR 23

¹Masmur ni si Daud. Songon sada parmahan do TUHAN di au, nada adong hurang bagi aha di au.

²Dipapayak Ia do au di padang jampalan na lomak. Ditogu Ia do au, tu aek na lan.

³Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.

⁴Haru pe mardalan au di dalan na golap nada huhabiari parmaraan, ale TUHAN, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

⁵Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

⁶Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.