Read Batak Angkola MASMUR 26 Bible Online

MASMUR 26 - Batak Angkola bible

MASMUR 26

¹Masmur ni si Daud. Lehen ma hatigoran tu au ale TUHAN, angke madung hupatupa na denggan. Tu Ho do au mararop roha, saotik pe nada au marganggu ni roha.

²Sihiri ma au, ale TUHAN, uji ma au, pareso ma lungun dohot pikiranku.

³HolongMi do tongtong manogu au, sai Ho do tongtong na gabe oloanku.

⁴Nada ra au mardongan tu halak pangicu, sian halak pangalancap mandao do au.

⁵Huhagigihon do halak na durako, jana halak parjahat sai hupasiding do.

⁶O TUHAN, hubasu tanganku tanda na so marsala au, jana dohot au mardalan manghaliangi langgatanMu,

⁷lalu mangendehon ende tarimakasi, dohot pabotohon pambaenanMu na godang i.

⁸Huhaholongi do bagasMu ale TUHAN, inganan parmiananMu na gok hasonangan.

⁹Ulang bunu au rap dohot pardosa, ulang buat ngolungku rap dohot siduruskon mudar.

¹⁰Torus do halahi mambaen na jahat, tongtong marsadio manjagit hepeng suap.

¹¹Tapi na denggan do baenonku o TUHAN, ibo rohaMu palua ma au.

¹²Dung i sonang ma au, dao sian hamamago, hupuji ma Ho di tonga-tonga ni bangsoMu.