Read Batak Angkola MASMUR 3 Bible Online

MASMUR 3 - Batak Angkola bible

MASMUR 3

¹Masmur ni si Daud, di na maporus ia sian anaknia si Absalom. Ale TUHAN, na sun ma antong bahatna angka musu na mangaroro iba.

²Bahat ma halak mandok, anggo Debata, na so ra do manolong au.

³Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

⁴Pio-pio au tu Ho ale TUHAN, sian dolokMu na badia[2] dialusi Ho au.

⁵Hupapayak jana modom au sonang, diramoti Ho do au borngin mamanjang.

⁶Nada mabiar au hara ni alo na marribu na manghobuk au sian desa na walu.

⁷Palua ma da au ale TUHAN Debatangku, uhumi jana taluhon ma sude angka musungku.

⁸Sian Ho do ro pangurupion, ibo ma rohaMu, ra ma jolo Ho mamasumasu bangsoMon.