Read Batak Angkola MASMUR 4 Bible Online

MASMUR 4 - Batak Angkola bible

MASMUR 4

¹Tu na manguluhon kor. Mardongan hasapi. Masmur ni si Daud. Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

²Hamu ale angka jolma, sadia honok nari hamu palayas hamuliaonKu? Olat ni andigan sai mangkojar na soada, dohot mangkaholongi na so marguna?

³Boto hamu ma, na dung ditodo TUHAN halak na nihaholonganNia, ditangihon TUHAN do muda pio-pio au tuSia.

⁴Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.

⁵Pasahat ma haul na sapatutna, jana haporsayai ma TUHAN.

⁶Miduk do halak na mandok, “O TUHAN, pasupasu ma hami, sai lomo ma rohaMu mida hami.”

⁷Jopan do rohangku dibaen Ho ulang pado halak na marlobian di harto.

⁸Gabe modom ma au di bagasan sonang angke hum Ho do da TUHAN na bisa manjago au.