Read Batak Angkola MASMUR 47 Bible Online

MASMUR 47 - Batak Angkola bible

MASMUR 47

¹Masmur ni horong ni si Korah. Di na manguluhon ende. Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

²Angke na lobi sogen do TUHAN Na Gumincat i, Ia do raja godang na mangarajai sude na di portibi i.

³Ia do mangalehen hamonanganta maradopkon angka bangso, dibaen Ia do hita gabe pangarajai ni sude marga ni bangso.

⁴Ditodo Ia do di hita tano pusako, na nihagodangkon ni roha ni bangso na nihaholonganNia.

⁵Madung dipanaek Debata habangsaNia, mardongan surak-surak dohot sora ni sarune.

⁶Endehon ma puji-pujian di Debata, endehon ma puji-pujian di Rajanta!

⁷Raja do Debata di sandok portibi, mardongan angka ende ma Ia tapuji!

⁸Juguk di habangsoNa Na Badia do Debata, diparenta Ia angka bangso.

⁹Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.