Read Batak Angkola MASMUR 54 Bible Online

MASMUR 54 - Batak Angkola bible

MASMUR 54

¹Tu na manguluhon ende. Mardongan sora ni hasapi. Ende pangajaran sian si Daud, di na ro halak Zifi mandok tu si Saul, “Martabuni di hami do si Daud.” Ale Debata, palua ma au hara ni kuasoMu, lehen ma hatigoran tu au hara ni hagogoonMu.

²Tangihon ma pangidoanku, ale Debatangku, parrohahon ma jolo angka hatangku.

³Angke jongjong do siginjang roha mangaroro au, halak na gakgak sai giot mamunu au, nada parduli halahi di Debata.

⁴Tapi Ho do panolongi anggo di au, ale Debata, Ho do TUHAN na manungkoli ngolungku.

⁵Padiar ma musungku didondoni hajahatanna sandiri, pusa ma halahi, angke setia do Ho tu au.

⁶Mardongan jop ni roha huhaulkon haul di Ho, jana mandok tarimakasi tu Ho, angke denggan do rohaMu ale TUHAN.

⁷Dipalua Ho do au sian sasude hamaolon, huida do musungku ditaluhon.