Read Batak Angkola MASMUR 65 Bible Online

MASMUR 65 - Batak Angkola bible

MASMUR 65

¹Tu na manguluhon ende. Masmur ni si Daud. Ende. Patut ma da antong pujionnami Ho di Sion ale Debata laho manggohi janji na hami baen mardongan sumpa.

²Ho do na manangihon tangiang; ro do sude halak tu Ho hara ni na dung mardosa.

³Na borat ma da boban ni dosanami, hape diampuni Ho do i sudena.

⁴Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

⁵Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

⁶Marhite kuasoMu na sumurung i, dipajongjong Ho angka dolok.

⁷Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

⁸Sude pangisi ni portibi on mabiar jana mangalehen sangap paida-ida pambaenanMu na santak. Sude jolma di na satano on, dibaen Ho marsurak marmoga-moga.

⁹Dilehen Ho do udan tu tano jana tongtong dipature Ho, napu dibaen Ho gabe bahat suhana. Digohi Ho do angka batang aek bubung dohot aek, gabe marsuha maradu bahat.

¹⁰Diaeki Ho pamangkuranna i dohot tanona na marhimpal i pe dibornoki. Marhite udan dibaen Ho tano i gabe gambur, angka tunasna i dijamin Ho do manyimbur.

¹¹Hara ni denggan ni rohaMu, diparade Ho do sabion ganop taon; sanga tudia Ho kehe, dapot ma marlobi-lobi.

¹²Gok hambeng biri-biri angka tor, marjop ni roha sude di lereng ni dolok.

¹³Mamontar padang i dibaen biri-biri, angka rura pe ditutupi masa ni na manyabi. Sude marsurak marjop ni roha, jana marende marmoga-moga.