Read Batak Angkola MASMUR 79 Bible Online

MASMUR 79 - Batak Angkola bible

MASMUR 79

¹Masmur ni si Asap. Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

²Dipartadingkon halahi bangke ni angka naposoMu gabe dipapangani angka unggas na di awang-awang. Bangke ni angka hasianMu dipadiar halahi gabe soroan ni binatang harangan.

³Di sude kota Jerusalem songon aek, durus mudar ni halahi; nada adong na mangubur halahi.

⁴Gabe siincahan ni angka bangso na hombar hami, dipartatai jana diincahi halahi do hami.

⁵Ale TUHAN, torus noma lakna Ho muruk, jana sai marapi purun hamumurukMu?

⁶Palalu ma rimasMu maradopkon angka bangso na so mananda Ho, dohot maradopkon angka harajaan na so martangiang tu Ho.

⁷Angke madung dibunu halahi bangsoMi, jana disegohon halahi tanona i.

⁸Ulang ma uhumi hami hara ni dosa ni ompunami. Ompoti ma manghasiani hami, dibaen madung gale hami.

⁹Ale Debata, sipaluanami, urupi ma hami hara ni goarMu na godang i. Sesa ma angka dosanami, palua ma hami hara ni goarMi.

¹⁰Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

¹¹Tangihon ma pangangguk ni angka na tartaban; marhite kuasoMu, palua ma angka halak na niuhum tu hamatean.

¹²Ale TUHAN, baloskon ma pitu noli lompit incak ni musu maradopkon Ho.

¹³Dung i, sude hami bangsoMu, biri-biri na niparmahanMu, mandok tarimakasima salolot-lolotna, jana baritahononnami ma puji-pujian di goarMu, marsundut-sundut.