Read Batak Angkola PODA 21 Bible Online

PODA 21 - Batak Angkola bible

PODA 21

¹Diatur TUHAN do pardalan ni batang aek marguru tu hagiotNa, songon i muse do diatur Ia pikiran ni raja.

²Mungkin tigor do sude pambaenanmu di panatapanmu, tapi TUHAN do manimbang maksud ni rohamu.

³Sumonang do roha ni TUHAN mida hatigoran dohot hatutuan ni pambaenanmu, ulang pado sasude na nihaulkonmu.

⁴Mardosa do halak parjahat i, hara ni na nirajaan ni bulbul dohot ginjang ni roha i.

⁵Sangkap na tangkas parohon hadoharon; pambaenan na mopop parohon hahurangan.

⁶Sinadongan na dapot sian na so jujur maradu tibu do i mago jana i ma maroban halakna i tu kubur.

⁷Marhancit do parjahat patunda ni hajahatanna sandiri, hagiot ni Debata nada ra ia mangihutkon i.

⁸Maralit-alit do dalan ni parjahat; sai na tigor do roha ni halak na burju roha.

⁹Dumenggan do tinggal di suhi-suhi ni loteng ulang pado sabagas dohot dongan saripe na sai matubekbek.

¹⁰Sai matua giot mambaen jahat do jolma na jahat. Sanga na tu ise pe nada adong ibo ni rohana.

¹¹Muda hona uhum halak na sombong, dapotan pangajaran do halak na so marpangalaman. Muda hona ajar halak na marroha, gabe dapotan parbinotoan ma ia.

¹²Diboto Debata Na Sun Tigor i do na masa di bagas ni jolma na so hasaya. Dijulungkon Ia ma halahi lopus gabe pusa.

¹³Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

¹⁴Laho paombun muruk dohot rimas, lehen ma silua di sihabunian.

¹⁵Sonang do pangkilalaan ni halak na burju muda dipadalan hatigoran, tapi anggo halak na jahat maradu mabiar.

¹⁶Jolma na so mangihutkon parngoluon ni halak na marroha, pasti muli lalu tu portibi ni halak na mate.

¹⁷Halak na sai tagi marsonang-sonang sai matua marhahurangan, halak na sai giot marhorja-horja nada ra i gabe mamora.

¹⁸Mambaen sangkap do halak na jahat anso marhancit jolma na burju, hape ujungna parjahat i sandiri do na mago.

¹⁹Dumenggan do iba maringanan di padang halongonan, umpado sainganan dohot saripe na sai matubekbek jana na sai marungut-ungut.

²⁰Halak na marroha tongtong do sonang jana mamora; hape anggo halak na bodo diabiskon do hepeng na baru dijagitna.

²¹Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.

²²Halak na bisuk tartaban ia do kota na nijago ni ulubalang dirumpakkon ia do angka benteng parondingan.

²³Laho pasiding hasusaan, patut do jamot di pandohanna.

²⁴Jolma na oto jana siginjang roha sai mangincahi do i jana pamalo-malohon.

²⁵Adong do por ni roha ni parlosok, hape nada ra karejo, i ma dalanna ia marhancit situtu.

²⁶Sasadari hum na marangan-angan do ia salaho tu por ni rohania. Hapengani anggo halak na burju mangoloi Debata mangalehen do maradu marlobian.

²⁷Nada jop roha ni TUHAN tu haul ni jolma na so hasaya, lumobi muda na dihaulkon mardongan maksud na targora.

²⁸Mago do saksi pargabus; tapi martarimo do hatorangan ni na umboto parsoalan i.

²⁹Nada diboto parjahat na maila, tapi muda halak partigor dipauba do pangalahona.

³⁰Muda TUHAN mangalo ho nada adong tarbaen manolong; magopo do hapistaran, sinaloan dohot habisuhon.

³¹Haru pe dipasingkop kudo porang tu parporangan, laing TUHAN do na manontuhon hamonangan.