Read Batak Angkola ENDE NA GODANG 5 Bible Online

ENDE NA GODANG 5 - Batak Angkola bible

ENDE NA GODANG 5

¹Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

²Hupapodom, hape nada mago rohangku; huipi do manoktok di pintu haholonganku, mandok. “Na uli di au, darapatingku, masuk ma au; ma maraek ulungku hara ni ombun dohot samon.”

³Ma pola hubuka pakeanku; biasi dope pakeonku muse? Madung hubasu patku, biasi dope pakotoronku muse?

⁴Ditiop haholonganku ma pintu; harana disi ia gabe dosar taroktokku.

⁵Jongjong au laho mambuka pintu; use ma mur di tanganku, manetehi sian jari-jaringku, maraek ma sitiopan ni pintu.

⁶Hubuka ma pintu di haholonganku, hape ma kehe ia salpu. Lungun sajo rohangku umbege sorana, sai hujalahi, hape parcuma. Hupiohon goarna i jana hudokkoni, hape nada mangalusi.

⁷Didapotkon angka na manjago kota i ma au, lalu dibalbali jana margasai au, dirampas halahi ma salendangku.

⁸Hamu angka boru Jerusalem, hupasumpa ma hamu, muda marsuo hamu dohot haholonganku, paboa ma tusia, na marnyae roha do au patunda ni holong ni roha.

⁹O, si bujing na jumogi, sumurung dehe hasianmi sian na deba i? Adong ma he halobianna na mambaen lohot ia di roha, jabat hami patulus janji?

¹⁰Tongam jana gogo do hasianki, sada sian sampulu ribu do i.

¹¹Limus songon tumbaga rupana i; marombak lomlom songon pangalomlom ni si gawak obukna i.

¹²Matana i songon jeges ni darapati di aek na mardalan, sidung maridi susu, juguk di batang aek.

¹³Songon jeges ni kobun parmasak na huskus hurumna i, bibirna songon bunga bakung na manetekkon mur na asli.

¹⁴Lagak ni tanganna i songon tintin sere na marhias dohot mata intan. Pamatangna songon tongam ni gading na marhumala.

¹⁵Patna songon tiang marmar na bontar, marojahan sere. Potongan ni pamatangna songon Dolok Libanon, na tubuan hayu aras na gincat.

¹⁶Tabo begeon angka hatana sude do tehe na adong disia manarik roha. Songon i ma da haholonganki, hamu angka boru Jerusalem.