Read Batak Angkola ENDE NA GODANG 8 Bible Online

ENDE NA GODANG 8 - Batak Angkola bible

ENDE NA GODANG 8

¹Sugari sura apala ibotongku sandiri do ho, na jungada manyusu di andora ni dainang, ummaanku do ho muda marsuo di dalan, harana nada adong halak na mambaen au gabe sihataan.

²Obanonku ho tu bagas ni dainang, anso diajari ho au marsihaholongan. Lehenonku ma anggur na marpulung-pulungan, aek ni dalimo inumonta.

³Tangan siambirangmu ma maniop ulungku, tangan siamunmu manghaol au.

⁴Husumpai ma hamu, ale boru Jerusalem, biasi dipabangkit hamu por ni roha andorang so dihatihana?

⁵Ise do na ro sian padang halongonan na marsitiopan tangan dohot haholonganna? Husungguli ho di toru ni bona ni appel, disi do ingananmu ditubuhon.

⁶Sai tulus ma anggimon hasian ni roha ni dangkang, ulang haol sanga na ise pe asing sian anggimon. Togu do holong ni roha i, atehe, sagogo ni hamatean do holong ni roha i; songon inganan ni na mate do tohong ni holong ni roha. Songon parjimbur ni jilam ni api, marjilam-jilam songon api na hagaraanna.

⁷Nada margogo aek mangintopisa, banjir pe nada tuk mangalingkupsa. Sugari tartobusi holong ni roha dohot sinadongan, dapotsa ma hum habilean.

⁸Adong do ibotonami menek dope adop ni andorana. Aha ma sibaenonnami salaho tusia muda adong na ro manyapai ia?

⁹Sugari ia sada tembok bata, baenonnami ma menara perak di ginjangna. Sugari ia sada horbangan, tutuponnami ma i dohot tiang sian hayu sampinur.

¹⁰Tembok do au, adop ni adorangku ma menarana, diboto haholonganku do, di au do ia marmoga-moga.

¹¹Si Salomo do nampuna kobun anggur na di Baal Hamon, tu angka pamola dilehen ia kobun on. Manggarari be ma saribu perak di suhana, jana dapotan ma dua ratus perak baen upana.

¹²Haru pe sabahat-bahatna hepeng ni si Salomo dohot angka pamola nada parduli au disi angke adong do kobun anggurku sandiri.

¹³O hasianku, na juguk di kobun, ligi ma au on rap dohot angka donganku. Por rohanami laho umbege soramu, hasian.

¹⁴Tibu ma ro tu au, ale haholongan, songon hije sanga anak ni ursa, na di dolok-dolok hatubuan ni angka parmasak.