Read Batak Angkola JESAYA 20 Bible Online

JESAYA 20 - Batak Angkola bible

JESAYA 20

¹Domu tu parenta ni si Sargon raja ni Asur, diroro panglima ni tentara Asur ma mamorangi Asdod, sada kota ni Pilistin.

²Tolu taon taran so i, disuru TUHAN do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

³Dompak hona hobuk kota Asdod, didok TUHAN ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

⁴Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

⁵Tarhirim jana agoan arop ni roha ma sanga ise halak na mangasahon Sudan dohot na manggodangkon Mesir.

⁶Dokkonon ni halak na mangingani topi laut na di Pilistin ma hatiha i, ‘Ligi pe da na masa i tu bangso na tapangasahon i laho mangondihon hita maradopkon raja ni Asur. Bia dope pambaenna malua hita on?’ ”