Read Batak Angkola JESAYA 38 Bible Online

JESAYA 38 - Batak Angkola bible

JESAYA 38

¹Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

²Dung i manjorbing ma raja i adop dinding i lalu martangiang,

³“O TUHAN, ingot ma na dung huoloi Ho sian haburjuon dohot bulus ni rohangku. Sai huparayak do mangoloi hagiotMu.” Dung i tangis ma si Hiskia, lungun partangisnia i.

⁴Mangkuling muse ma TUHAN tu si Jesaya:

⁵“Kehe ma ho jana dok ma tu si Hiskia: Songon on do hata ni TUHAN, Debata ni si Daud, ompumunu i: Madung Hubege tangiangmu jana Huida ilu ni matamu. Sapetona paginjangonKu dope ngolumu lima bolas taon nari.

⁶PaluaonKu ma ho dohot kota Jerusalem sian tangan ni raja Asur. OndinganKu do tongtong kota on.”

²¹Dung i didok si Jesaya ma: “Pade ma dibuat sada kue ara jana dipayakkon tu baro i, anso malum!”[12]

²²Dompak i didok si Hiskia ma: “Aha ma he na gabe tanda, bahaso na giot kehe au tu Bagas Ni TUHAN?” Dialusi si Jesaya ma, “On ma na gabe partanda di ho sian TUHAN, bahaso na angkon patuluson ni TUHAN do sanga aha na dung dijanjihonNia. Di tudu-tudu ni jom mataniari na nibaen ni Raja Ahas i, pamunduronKu ma halinuna i sampulu langka.” Jadi gabe mundur ma antong halinu i sampulu langka. Jadi dung malum si Hiskia, disuratkon ia ma ende puji-pujian songon on: “Pandokku, satonga umur dope angkon kehe ma au, tu pintu ni harbangan ni hamatean do au dipio lalu tu ujung ni ngolungku. Pandokku, nada idaonku be da TUHAN di luat ni angka jolma na mangolu; nada idaonku be umpe sahalak pangisi ni portibi on. Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni TUHAN ma ngoluniba. Marsurak do au mangido tolong lalu tu manyogot; songon singa mangarogop holi(...)