Read Batak Angkola JEREMIA 28 Bible Online

JEREMIA 28 - Batak Angkola bible

JEREMIA 28

¹Laing di bagasan taon i, di bulan lima taon paopatkon dung mamarenta Raja Zedekia mangkuling ma tu au si Hananya anak ni si Asur sada halak panurirang sian kota Gibeon, di Bagas Ni Debata. Dijolo ni angka malim dohot rayat didok ia tu au,

²songon on didok TUHAN Na Markuaso i, Debata ni Israel, “Madung Huropuk hagogoon ni raja Babel.

³Di bagasan dua taon on, paulahonKu ma angka barang-barang na sian BagasKu na dioban ni Raja Nebukadnesar tu Babel.

⁴ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au TUHAN, madung mandok songon i.”

⁵Jadi hudok ma tu si Hananya di jolo ni angka malim dohot sude rayat na jongjong di Bagas Ni TUHAN i,

⁶“Denggan! Sai tulus ma nian alatanmi, jana sai saut ma dioban TUHAN sian Babel angka barang-barang ni Bagas Ni TUHAN rap dohot sude halak na tarbuang tusi.

⁷Tapi anggo ho ale Hananya dohot hamu sude angka rayat, tangihon hamu ma on:

⁸Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

⁹Tapi anggo panurirang na mangalatkon hadamean, bolas do i niokuan songon panurirang na tutu situtu disuru TUHAN, muda tangkas tarjadi angka pangalaho na nialatkonnia i.”

¹⁰Dung i dirampas si Hananya ma auga na di tangkuhukki jana ditipulkon ia.

¹¹Didok ia ma di jolo ni sude rayat na adong disi, “Pandok ni TUHAN songon on ma pamonggolNia di auga na nibaen ni Raja Nebukadnesar di tangkuhuk ni sandok bangso; di bagasan dua taon on, baenon ni TUHAN ma songon i.” Dung i kehe muse ma au.

¹²Dung i nada sadia honok, disuru TUHAN ma au

¹³kehe tu si Hananya mandok songon on, “Pandok ni TUHAN, ‘Madung ditipulhon ho auga hayu, tapi baenonKu ma auga bosi songon gontina!’

¹⁴Songon on ma didok TUHAN, Debata ni Israel, na giot baenonNia ma auga bosi tu tangkuhuk ni sude bangso on, jana tunduk ma halahi sude mangoloi tu si Nebukadnesar, raja ni Babel. Laing didok TUHAN muse do, binatang panyoro pe pasahatonNia do tu toru ni kuaso ni si Nebukadnesar.”

¹⁵Hupalalu do sudena i tu si Hananya, jana hudok muse dope, “Tangihon ma ale Hananya! Nada TUHAN marsuru ho, jana madung dibaen ho bangso on porsaya tu hata na so tutu.

¹⁶Hara ni i pandok ni TUHAN sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu TUHAN.”

¹⁷Jadi laing di bagasan taon i di bulan papituhon, marujung ma ngolu ni si Hananya.