Read Batak Angkola JEREMIA 45 Bible Online

JEREMIA 45 - Batak Angkola bible

JEREMIA 45

¹Di taon paopatkon mangarajai si Joyakim anak ni si Josia di Juda, disuratkon si Barukh ma sanga aha na hudiktehon tusia. Jadi hupalalu ma tusia

²hata ni TUHAN, Debata ni Israel. Didok Tuhan, “O Barukh,

³humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba TUHAN muse dope dohot parkancitan. Loja au na humolos i, so adong saotik pe hasonangan!’

⁴Ale Barukh! Au TUHAN na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.

⁵Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok TUHAN. Tapi anggo tu ho lehenonKu do ngolu songon gonti ni sude inganan na giot bolusonmu.”