Read Batak Angkola BILANGAN 26 Bible Online

BILANGAN 26 - Batak Angkola bible

BILANGAN 26

¹Dung salpu bala i didok TUHAN ma tu si Musa dohot tu si Eleasar anak ni si Harun,

²“Etongi hamu ma sude halak Israel marsasaompu. Sude halaklahi na marumur dua pulu taon tu ginjang na dung tarbaen masuk tentara angkon disuratkon.”

³Dipatulus si Musa dohot si Eleasar ma parenta i. Dipio halahi ma sude halaklahi, pungu-pungu sude na satorbang mangihutkon umurna. Dipalagut halahi ma di tano na hornop na di Moab, di bariba ni Batang aek Jordan donok tu Jeriko. Angka on ma halak Israel na haruar sian Mesir i:

⁴

⁵Sian Marga Ruben (Si Ruben do anak siangkaan ni si Jakob): Marga Hanokh, Palu,

⁶Hesron dohot Karmi.

⁷Angka halaklahi sian marga-marga on bahatna 43.730 halak.

⁸Pomparan ni si Palu, i ma si Eliab,

⁹angka anakna, i ma si Nemuel, si Datan dohot si Abiram. (Anggo si Datan dohot si Abiram, na dung dipili bangso i do i nian. Tapi halahi do na dohot mangalo si Musa dohot si Harun na gabe satahi dohot dongan ni si Korah mangalo TUHAN.

¹⁰Tano i pe mabola jana talak ma mamondut halahi, mate ma halahi, si Kora dohot dongannia di na ro api manutung pola 250 halaklahi na mate i. Gabe parningotan ma i di halak Israel.

¹¹Tapi anggo anak ni si Kora nada dohot dibunu.)

¹²Sian pomparan ni si Simeon marsasaompu: Marga Nemuel, Jamin, Jakin,

¹³Zerah dohot Saul.

¹⁴Angka halaklahi sian marga-marga on 22.200 halak bahatna.

¹⁵Pomparan ni si Gad marsasaompu: Marga Zefon, Hagi, Suni,

¹⁶Osni dohot Eri,

¹⁷Arod dohot Areli.

¹⁸Halaklahi sian marga-marga on 40.500 halak bahatna.

¹⁹Angka anak ni Juda i ma si Er dohot si Onan, na dung mate di tano Kanaan.

²⁰Pomparan ni si Juda: Marga Sela, Peres dohot Zerah.

²¹Ia angka anak ni si Peres, si Hesron, haroroan ni Marga Hesron, dohot si Hamul, haroroan ni Marga Hamul.

²²Angka halaklahi sian marga-marga on 76.500 halak bahatna.

²³Sian Marga Isakar: Marga Tola, Pua,

²⁴Jasub dohot Simron.

²⁵Bahat ni halaklahi sian marga on 64.300 halak.

²⁶Pomparan ni si Zebulon: Marga Sered, Elon dohot Jahleel.

²⁷Angka halaklahi sian marga-marga on 60.500 halak bahatna.

²⁸Sian si Josep amang ni dua halak halaklahi: Marga Manase dohot Efraim.

²⁹Sian Marga Manase: Si Makir anak ni si Manase. I do amang ni si Gilead. Jana angka marga on i ma pomparan ni si Gilead:

³⁰Marga Eser, Helek,

³¹Asriel, Sekem,

³²Semida dohot Hefer.

³³Si Zelafehad anak ni si Hefer nada adong anaknia halaklahi, hum dadaboru do. Goar-goar ni halahi, i ma: Si Mahla, si Noa, si Hogla, si Milka dohot si Tirsa.

³⁴Angka halaklahi sian marga-marga on 52.700 halak bahatna.

³⁵Pomparan ni si Efraim: Marga Sutelah, Beker dohot Tahan.

³⁶Marga Eran, i ma pomparan ni si Sutelah.

³⁷Angka halaklahi sian marga-marga on 32.500 halak bahatna. Songon i ma angka marga sian pomparan ni si Josep.

³⁸Pomparan ni si Benyamin: Marga Bela, Asbel, Ahiram,

³⁹Sefufam dohot Hufam.

⁴⁰Marga Ared dohot Naaman i ma pomparan ni si Bela.

⁴¹Angka halaklahi sian marga-marga on 45.600 halak bahatna.

⁴²Pomparan ni si Dan: Marga Suham.

⁴³Bahat ni halaklahi sian marga on 64.400 halak bahatna.

⁴⁴Pomparan ni si Aser: Marga Jimna, Jiswi dohot Beria.

⁴⁵Marga Heber dohot Malkiel i ma pomparan ni si Beria.

⁴⁶Sada do boru ni si Aser goarna si Serah.

⁴⁷Angka halaklahi sian marga-marga on 53.400 halak bahatna.

⁴⁸Pomparan ni si Naftali: Marga Jahseel, Guni,

⁴⁹Jeser dohot Silem.

⁵⁰Angka halaklahi sian marga-marga on 45.400 halak bahatna.

⁵¹Bahat ni halaklahi di sude halak Israel 601.730 halak.

⁵²Didok TUHAN tu si Musa,

⁵³“Bagi-bagi ma tano i tu halak Israel marsasaompu marguru tu bahat ni halahi marsasaompu.

⁵⁴Baen ma dadu laho mambagi tano i. Lehen ma tano na umbidang tu ompu na umbahat bope bagian na ummenek tu saompu na ummotik.”

⁵⁵

⁵⁶

⁵⁷Pomparan ni si Levi i ma Marga Gerson, Kehat dohot Merari.

⁵⁸Tu bagasan pomparan ni halahi tarmasuk horong ni Marga Libni, Hebron, Mahli, Musi dohot Kora. Si Kehat i ma amang ni si Amram,

⁵⁹na mardongan saripehon sada boru Levi. Dadaboru i margoar si Jokebed na sorang di Mesir do i. Anaknia dohot si Amram dua halaklahi i ma si Musa dohot si Harun dohot sada anak dadaboru na margoar si Miryam.

⁶⁰Opat anak ni si Harun, i ma si Nadab dohot si Abihu, si Eleasar dohot si Itamar.

⁶¹Si Nadab dohot si Abihu na mate di hatiha manghaulkon api na so nihagiotan ni TUHAN.

⁶²Bahat ni anak halaklahi sian Marga Levi na marumur sabulan sanga lobi adong do 23.000 halak. Asing do halahi disuratkon sian halak Israel i, angke nada dilehen di halahi tano siteanon ni Israel i.

⁶³Songon i ma daftar na nibaen ni si Musa dohot si Eleasar taringot tu marga-marga ni Israel dompak dibaen halahi pamilangion di tano na hornop ni Moab di bariba ni Batang aek Jordan mardonokkon Jeriko.

⁶⁴Sian halak na nidaftar ni si Musa dohot si Harun na di Parhorsihan Sinai i, sahalak pe nada adong be na mangolu.

⁶⁵Madung didok TUHAN i hian do tu halahi bahaso angkon marujung di halongonan do ngolu ni halahi. Jana tutu do sude halahi mate, asing ni si Kaleb anak ni si Jefunne dohot si Josua anak ni si Nun.