Read Batak Angkola BILANGAN 7 Bible Online

BILANGAN 7 - Batak Angkola bible

BILANGAN 7

¹Di ari hasisidung ni Bandar Parmianan Ni TUHAN i dipajongjong si Musa, dipasahat ia ma Bandar i dohot sude parkokasna tu TUHAN i marhite upacara pamiahion. Laing songon i dibaen halahi tu langgatan i dohot tu parkokasna.

²Dung i, angka kapala ni marga na gabe pamimpin ni angka marga-marga Israel, i ma angka na disuru mambaen pamilangion,

³marsioban haulna be ma halahi tu TUHAN i. Dioban halahi ma onom padati dohot dua bolas lombu: Sada padati ma di ganop dua halak pamimpin, jana sada lombu ganop sahalak pamimpin.

⁴Dung dilehen halahi i, didok TUHAN ma tu si Musa,

⁵“Jagit ma sude silehen-lehen ni halahi anso adong pakeon di angka karejo na porlu di Bandar ParmiananKu lehen ma sudena i tu halak Levi mangihutkon karejo ni halahi ganop be.”

⁶Dung i dilehen si Musa ma angka padati dohot lombu i tu halak Levi.

⁷Dua padati dohot opat lombu dilehen tu angka anak ni si Gerson,

⁸opat padati dohot salapan lombu tu anak ni si Merari. Sude karejo ni halahi angkon karejohonon ni halahi marguru tu pangatur ni si Itamar, anak ni si Harun.

⁹Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

¹⁰Angka pamimpin i pe dilehen halahi do silehen-lehen ni halahi na hasaya tu pesta pasahat langgatan. Dung singkop halahi laho mangalehen silehen-lehen ni halahi di langgatan,

¹¹didok TUHAN ma tu si Musa, “Dokkon ma tu halahi, anso ganop ari di bagasan na dua bolas ari on, sahalak sian pamimpin ni halahi mangalehen silehen-lehen na hasaya tu pesta pasahat langgatan.”

¹²Dioban halahi ma silehenonna be songon on ma parjojorna: [ARI] — [MARGA] — [PAMIMPINNA] Parjolo — Juda — Nahason anak ni si Aminadab Paduahon — Isakar — Natanael anak ni si Zuar Patoluhon — Zebulon — Eliab anak ni si Helon Paopatkon — Ruben — Elisur anak ni si Sedeur Palimahon — Simeon — Selumiel anak ni si Zurisiadai Paonomkon — Gad — Eliasap anak ni si Rehuel Papituhon — Efraim — Elisama anak ni si Amihud Pasalapankon — Manase — Gamaliel anak ni si Pedasur Pasambilankon — Benyamin — Abidan anak ni si Gideoni Pasampuluhon — Dan — Ahieser anak ni si Amisiadai Pasabolaskon — Aser — Pagiel anak ni si Okran Paduabolaskon — Naftali — Ahira anak ni si Enan Dos do ganop silehen-lehen na nioban ni halahi, i ma: sada pinggan sian perak boratna 1,5 kilogram dohot sada sambong perak boratna 800 gram, mangihutkon timbangan na somal. Na dua i diisi gok dohot topung na nicampur dohot miak gabe silehen-lehen sipanganon. D(...)

⁸⁴Haul na nioban ni pamimpin na dua bolas halak i, i ma sipakeon di pesta pasahat langgatan i, bahatna sude: — dua bolas pinggan perak dohot dua bolas sambong perak, borat ni i sude 27,6 kilogram — dua bolas pinggan sere, boratna sude 1,32 kilogram gok dohot hamonyan — dua bolas lombu jantan, dua bolas biri-biri jantan, dua bolas anak ni biri-biri na marumur sataon, rap dohot haul gandum anso adong donganna tu haul situtungon — dua bolas hambeng gabe haul hasesaan ni dosa — dua pulu opat lombu jantan, onom pulu biri-biri jantan, onom pulu hambeng, onom pulu anak ni biri-biri na marumur sataon na gabe haul pardonganon.

⁸⁹Hatiha masuk si Musa tu Bandar Na Badia giot mangkatai dohot Ia, dibege ia ma TUHAN i mangkuling tusia sian ginjang ni tutup ni Poti Parjanjian i di antara ni kerub na dua i.