Read Batak Dairi 1 Musa 13 Bible Online

1 Musa 13 - Batak Dairi bible

1 Musa 13

¹Itadingken si Abram mo Mesir janah laus ia mi utara imo menuju mi selatan Kanaan, rebbak dekket sinibagesna bak karina silot bana, janah dekket ma ngo si Lot.

²Kaya jong ngo si Abram; mbuè ngo biri-birina, kambing, lembu, bagi ma pirak dekket emmas.

³Bagi mo ibellus bekkas sisada mi bekkas sisada nai lako mi Betel. Soh mo ia mi bekkas i kellang-kellang Betel dekket Ai bekkas keramat ianenna merundung-undung arnia

⁴dekket bekkasna memajek langgaten. I sidi mo ia menembah JAHOWA.

⁵Si Lot pè enggo lot sinibagesna bagi dekket naposo bak biri-biri, kambing dekket lembuna.

⁶Kumarna i gabè kurang mbellang mo tanoh jampalen ni sidi mahan ianen kalak i sidua, ai mbuè kalohon ngo pinakan kalak i.

⁷Nai masa mo persilisihen taba permakan si Abram dekket permakan si Lot. (Tikanna i merian i sidi dèng ngo kalak Kanaan dekket Feris.)

⁸Nai nina si Abram mo taba si Lot, “Merkadè-kadè ngo kita, oda ngo selloh mula dak merselisih naposomu dekket naposongku.

⁹Kernana i, sellohen mo kita pejaè-jaè. Pilih mo kan dikè tanoh èn kelleng atèmu. Mula mi kambirang kono, mi kamuhun mo aku.”

¹⁰Itengen si Lot mo sikulilingna, idah mo isuberri napa Jordan soh mi kuta Zoar mbuè laèna, bagè Pekken JAHOWA, barang bagè tanoh Mesir (Bagi ngo napa i, tikan madèng itumpatken JAHOWA kuta Sodom dekket Gomora.)

¹¹Nai gabè ipilih si Lot mo Napa Jordan i, janah berkat ia mi kebincaren. Bagi mo persirang kalak i sidua.

¹²Ukum si Abram tong ngo tading i tanoh Kanaan, tapi ukum si Lot, ibahan mo undung-undungna i kuta silot i napa Jordan soh mi mayak Sodom.

¹³Ukum kuta Sodom i, iiani kalak jahat bak perdosa taba JAHOWA ngo.

¹⁴Enggo kessa laus si Lot, nina JAHOWA mo taba si Abram, “Tengen mo kuliling i bekkasmu cènder i nai;

¹⁵Kuberèken mo bamu dekket taba pinemparmu karina tanoh siniidahmi, gabè milikmu soh mi amman sumendah.

¹⁶Kuberèken pè bamu pinempar nterrem kalohon, sada kalak poda terbakinsa memilang. Bagè kalak mak terbilangensa abu tanoh, bagi ma mo pinemparmu oda terbilang.

¹⁷Bagèndari agahi mo karinana tanoh i, kerna naing Kuberèken ngo i bamu.”

¹⁸Kessa i iompat si Abram mo perundung-undungenna, janah hot mo ia merian i gembar kayu keramat bekkas mersembah i Mamre dekket Herbon, janah i sidi mo ipecènder langgaten menembah JAHOWA.